لا انتي العذراء ولا انا النبي الكليم

لا انتي العذراء ولا انا النبي الكليم

تقول مريم عسـى لـك بالليالـي مقـام

وأقول كان إستجد الوجـد مانـي مقيـم

يا مريم إن كان ما تطرب غصون الحمام

فـلا تهزّيـن عـذق الذكريـات القديـم

في قلبي جروح وف/ عيني بقايـا كـلام

وإنتي رميتي وجتني رميتـك بالصميـم

فإن طحت سترك علي عن الشّمت والملام

ماني بناقص عيون الشامتـه والخصيـم

لا فزّ قلبـي عليـك ولا جفيـت المنـام

ولا تبعتـك ولا هـب الصبـا والنسيـم

العابريـن بفضـاء الله قــومٍ كــرام

لذا ف/ كـف الزمـان بغربلتهـم كريـم

لو يسكنون الأراضي روسهم ف/ الغمـام

متوحدين الشعور ب/ هالزمـان السقيـم

دعيني أدعو ثـلاث أيـام عـدّ وتمـام

وأقلب ردائي وأناجي عـلّ تمطـر بديـم

وإلا إسقي عروقي الذبلى بكاس الغـرام

وأنفخ لك الروح في عظم الكلام الرميـم

وإن قلتي الدرب شام أقول ماهـو بشـام

ولا مقامي معك بيـن الرُكـن والحطيـم

جيتي من اللا مكان وجيت عبر الزحـام

ولا أنتي العذرا ولا آنـا النبـي الكليـم

أنا فقط شاعـرٍ يهـوى يصـب المـدام

ف/ قلوب تثمل على كاس الشعور الحميم

فإن خيّم الليل كنت النور عبـر الظـلام

وإن طال مسرى تعكّزت الغنـى للسديـم

معي معي لين أحط قلوبهـم فـي سـلام

وأسلّم الصبح ذنـب البارحـه وأستقيـم

فيني من الغي شيٍ مـا ينـوش الحـرام

وفيني من الخشيه الشي الكبيـر العظيـم

ربـي عسانـي أكـون لمتّقينـك إمـام

وأعوذ بك من لواء أهل الشعـر للجحيـم

قد كان يامريم بصـدري مواجـع كـلام

وأخترت يبقى وجعها في ظلوعـي مقيـم

فإن إستدرتـي ف/ هونـاً كلنـا للعـدام

وإن إستخرتي فمن عرض البشر والحريم

م / ن
مع فائق الاحترام

راع الجوف

المصدر: منتديات دومة الجندل

---

gh hkjd hgu`vhx ,gh hkh hgkfd hg;gdl