مالي شـبيه الا السـكوت اللي يثير البلبله

مالي شـبيه الا السـكوت اللي يثير البلبله

الصاحـب اللي كان مشـغـلني بطـرح الاسـئله *** حــتى ســكت وبعـدها صار السـكوت أفـضل جـواب كم قـلت له مثلي عـن الوان العمر لا تسأله ***انـا تسـاوت عـندي الـوان السـعاده والعـــذاب انا حـياتي مالـها الا لون واحـد واجـهـله *** خـليط من لون الهـوا والـنار والمـا والتـراب ما مـر في عـمري مراحـل كل عـمـري مرحـله *** فـي كـل عـمـري كنت طـفل وكنت كهـل وكنت شـاب اصـير شـايب يوم احـس ان المقابيل ارمـله *** واحـيان احـس ان المقـابل طـفلةٍ وارجـع شـباب انا الغريب اللي جميع الناس به مسـتأهـله *** واحيان انا اللي خاطـره من عرف كل الناس طـاب مالي شـبيه الا السـكوت اللي يثير البلبله *** ومالي نقـيـض الا الـكلام اللي يسـمـونه هـبـاب ابكـي عـلى حالي لاني ماقــدرت ابكـي ولـه *** واضـحـك عـلى حالي لأني ما قـدرت اضـحك إعجـاب بين الأماني الماضـيه والذكـريات المقـبله *** امـشـي وخـطـوات الحـضـور بسـكـتي جـرة غيـاب اتـمهـل ان مرتني ايام الرخا مســتعـجـله *** واقـول لو تقـبل عـلي بالـمال يا مال الذهـاب قـدرت اعـيش الواقع اللي ماقـدرت اتخـيله *** مدري اصبت العـذر او في عـذري اخطـيت الصـواب بس المهـم اني قـدرت اضـرب لغـيري امـثله *** وش لون ما يرجى ثواب الصـدق او يخـشى العـقاب ماهـو غـرور ولا تواضـع كل مافـي المـسأله *** يا صاحـبي اني رفـضـت احـسب لغير الله حـسـاب طرد السـراب إلمن يحـسبه مآء ماهي مشـكله *** المشـكله طـرد السـراب إلمن يعرف انه سرااااب

المصدر: منتديات دومة الجندل

---

lhgd aJfdi hgh hgsJ;,j hggd dedv hgfgfgi