أنا وأبلـــــتي..!

أنا وأبلـــــتي..!

شافتني اسير هايم وشرود ذهني اشغلها سألتني :خير وعساك بخير ؟! قلت : مافي شيء يستاهل ,, غدر الناس ياكثره وكلمة حب محاها زيف خدعتهم قالت انت متعلم ولازم لعقلك تحكم وتبعد عن كلام القلب وآآآآآهآآآته . وتمسح كلمة عاطفه من قاموس وجدانك قلت : مابي اتعلم قالت ماهو بكيفك !! تعال وادرس بصفي واكيد راح تنجح وتعدي قلت مابدي اتعلم ولا ابغي درسك وصفك بعيش وحدي برفقة اوهامي عساني ماتعلمت فنون الكذب ولا صرت بها شاطر شدت فوق حواجبها ورفعت عصاية كانت بيدها ,, وقالت اقول قدامي ولا كلمه غصبا عنك راح تدرس وتتعلم بكيت وقلت امرك وحاضر ودخلت الصف قالت أخرج دفتر الكشكول قلت انا وين وانتي وين ! صحيح ناس بدون عقول! قالت أووص ولا كلمة وهيا جيب مرسامك عرفت اني مغلوب على امري وبالقوه لازم اتعلم ,, قلت امرك وحاضر ابلتي انتي عطتني ظهرها وراحت تكتب التاريخ والحصه على سبورة الاحلام وانا لوحدي بفصل الحب اتعلم كتبت بالطبشور جملتها وقالت هيا اكتبها ورددها بديت اكتب وجات ووقفت جنبي ,, وقالت يامجنووون وش تهبب؟؟؟!!! ليش تكتب كلامك بدون حركات !! قلت حركات الحب حافظها .. ومن زمان مغيبها.. قالت اقول ركز على درسك وبطل كلام القلب وعواطفك االآن إسجنها قلت اوك أستاذتي وامرك قالت حط ضمه فوق حرف العين قلت وش اللي صار لعيونه ؟ قالت اقول ركز على السبور وشوف العين بوسط السطر وقول فوقها ايش بتحط ضمه او تنوين؟ قلت خليني احطها ضمه حتى لو كانت فتحه او هي سكون قالت صحيح انك طالب مهمل وبجد الجد انت مجنوووووووون قلت لاتلوميني كثير ضميت طيفه لصدري وخبيته وسط عيني كثير سامرته طول الليل وودعته ورحت اغفي وبس غفا رمشي لقيت زوله مازال قدامي قالت بس خلاص وقف ولا تضيع علينا الدرس وقول ليش كتبت كسره تحت الضاد ؟ قلت كسرني الغلا بغدره وعرفت وش تعني الكسره للمكسور وصحيح ان كل واحد وله قدره لكن بعض الغلا يموت صاحبه مقهور صارت تصفق بيد على يد وصرخت قالت: يمين الله ان فيك جنوون وصحيح انك عاشق مفتون ولا ينفع معاك لادرس يامجنووون تركتني وراحت تجري وتركت شنطتها وحسيت العالم كله سكون مسكينه ابلتي ماتدري ان الدنيا باكملها ماعاد فيها احد صاحي ناديت وقلت : معلمتي .. ابلتي .. استاذتي .. سيدتي .. اقول يابت انتي تعالي واسمعي مني صدقيني عالمنا كله جنووون وكل واحد فينا بالهوى مفتون شفت دمعه تخادعها وغصب طاحت ع وجنتها! سالت وقلت ابلتي ايش فيك؟؟اشوف الدمع بعيونك!! قالت : غصب تنزل دموع الحزن من محزون ! غصب احيان نفضح امرنا ونخرج المكنون .بقول لك سر داريته وماعرفه احد بالكون . وابي منك تجاوبني وتصارحني ياطالبي يامجنووون .. وش رايك اذا قلبك اتعلق بحب انسان وفجاه غادر علمك بدون انذار ولا احم ولا دستور ! ردة فعلك كيف بتكون ؟!؟ قمت واقف من الكرسي ودفيته بطرف رجلي وشديت العصا منها نهرتها وقلت تعالي واجلسي بدالي ورحت امشي تجاه اللوح وقفت هناك اناظرها وشديت لفوووووق حواجب عيوني واعدت عليها ثلاث سطور من كلام لها هنا مسطور يبدا فوق من السطر الرابع عشر .

المصدر: منتديات دومة الجندل

---

Hkh ,HfgJJJJJjd>>!