الله يستر عليه من النحل لا يأكله ... محمد بن فطيس

الله يستر عليه من النحل لا يأكله ... محمد بن فطيس

بسم الله الرحمن الرحيم

بعض العرب حبه يوردك الجنون
ولا يوصف له غلاه احكاك له

مايقنعه وصف الغلا لو وش يكون
لو كل حرفٍ بالحرير يحاك له

الموت جاك وهو تقلبه الضنون
ولا لك الا الصبر....وش وداك له؟

ان قلت ضايق..قال : هونها تهون
مايدري ان ضيقتك له وبكاك له

تقعد تحبه وانت ساكت ومغبون
يمكن بيوم يقال له ما اوفاك له

وكانك مشكك هو يمون او ما يمون
تخيّل ان عفت الصبر فرقاك له

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون,,,,
ولا يمر اذنه سوا لباك له

وتسج من غيره لونهم يذكرون
ومنين ما سجت القدم ممشاك له

فلو ٍ يميله الترف ميل الغصون
غصن ٍ ليان ومكرمه بسقاك له

جديله الى اقفى ستر منه المتون
كنّي بريحه لالتفت لدعاك له

يزها الملابس ..اي لبس ..واي لون
وفالليل وجهه لا ظهر قداك له

كيك وعسل لكن ماهو في صحون
ودعاك من عين الحسود اغطاك له

الله لا يعطيه ناس س ينضلون
ويستر عليه من النحل لا ياكله

الوصف والتعبير في وصفه يخون
غير اطلب الله يستجيب ادعاك له

وعذال قلبك في محبته يخسون
سكينهم عن قطع حبله حاكله

اللي من لحوم الاوادم ياكلون
وحلوقهم دافع البلا متواكله

ناس ٍ عن اعراض العرب ما يعرضون
ودايم على نفس الشكل والشاكله

في سلمهم اولا بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

يا جعلهم فدوة ثر الغض الفتون
اللي على الدرب الطويل اخطاك له

طيفه الى نام البشر زارك بهون
وطيفك الى نام البشر سرّاك له

حبه دفان ومقبرة خضر الطعون
بين العظام العوج كنك تاكله

اللي كذا حبه لو تموت مغبون
ولا لك الا الصبر .. وش وداك له

المصدر: منتديات دومة الجندل

---

hggi dsjv ugdi lk hgkpg gh dH;gi >>> lpl] fk t'ds

شكرا على القصيدة الحلوه موادع
وأهديك هذه الابيات اللي أبدع فيها إبن فطيس
لاتحسب الجفن من دمعه عقيم
يستحي منك وإلا قفيت إنثره
لايغرك لو بدا جسمي سليم
والله إن جسمي سوار المقبره
والله إن أحر من دمع اليتيم
دمعة الرجال من فرقى مره
تقبل مروري ولك جزيل شكري

حلوووووووووووووووووه هالقصيده تسلم على النقل مشرفنا الغالي موادع

شاعر مميز ابن فطيس


وعذال قلبك في محبته يخسون
سكينهم عن قطع حبله حاكله

اللي من لحوم الاوادم ياكلون
وحلوقهم دافع البلا متواكله

ناس ٍ عن اعراض العرب ما يعرضون
ودايم على نفس الشكل والشاكله

في سلمهم اولا بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

شكر أخواني مارد ودواس الحب ع المرور وألف شكر ع الأبيات المهداه

ياحبي لهلقصيده
مشكور على النقل المتميز
بأنتظار جديدك

أهلا وسهلا ألف شكر ع المرور