ابو عيون زرق وسنون فلق

ابو عيون زرق وسنون فلق

-------------------------------------------------------------------------
هذي سالفة رجل دكته الدنيا وتلوى فيها الوكاد انه ترك اهله ولى هف على وجه وقامت الدنيا تقلبه يمين ويسار الوكاد انه غاب عن اهله حول العشرين سنة الشاهد عقب هااسنين رجع ومعه حنونة من الابل وباجهته لقى راعي بيت شعر من حالة في الخلا وما عنده احد زهم علية وقال له وش عندك في هه هرج عليه قال ابيع نصايح ورد عليه كم النصيحه قال بقعود قال يالله خلنا نشوف وش عند الرجل هه عطني نصيحة اذا ذلق سهيل لا تامني السيل ول ول اخذ مني بعير على هانصيحة عطني غيرها انتبه من ابو عيون زرق وسنون فلق ول ول اخذ مني بعير ثاني عطني غيرها
نم على ندم ولا تنام على دم الوكاد ان الرجل قهمه ثلاث من الابل وجه الرجل لما وصل عرب جادعين في بطن الوادي ذكر عليه نصيحة الرجل اللي تقول اذا ذلق.... وفزع العرب من السيل قالو وش هالمهبول سيل ومافيه سحاب الوكاد اخذ ابلة ولقى تلاوى الضلع الشاهد جاهم السيل درو وقشهم الوكاد واصل الرجل مشوارة ولا قدامه ها المعزب ولا زي ماقال الرجل ابو عيون زرق .... اكرم الرجل وعقاب الليل سرى المعزب لفراش الرجل وده يغدر به لكن هذا فطين ذكرت عليه السالفة ولما وجهه لاهلة ولاانها عقاب ليل خلى الابل خارج الديرة ولما دخل بيته ولا ان الرجل نايم عند اهله غير قرونه هالولد سحب حالة عقب ما مسك نصاب شبريته وده يرصه بها لكن تعوذ من ابليس الوكاد الصبح وجهه لاهله وقامت الزغاريت برجوعه ولما جلس عند الحرمة قال يا مره من الرجل اللي عندك البارح قالت هذا ولدك صفن الرجل قال الحمدلله اني ما ذبحته يستاهل راعي النصايح الابل ولو وده ازيدة وسلامتكو

المصدر: منتديات دومة الجندل

---

hf, ud,k .vr ,sk,k tgr

بدوي بحت ياجدووو والله يعطيك العافيه على هالنصايح والحين النصيحه ببلاش ولاحد يسمعها ويستاهل راع النصايح الإبل

يووووووووووووه والله بصعوبه فهمت


ياحلو هالكلام مبطين عنه ههههههههههه

فعلا نصائح من ذهب

زمان النصائح تنشرى

هالوقت ليتهم بس يتقبلو النصائح

ياهلا بيكم أخواني