آخر 10 مواضيع
|
|
|||||||
|
|||||||||||||
|
|
||||||||||||
| ۞ الأســــــــــرة ۞ عالم حواء , عالم الفتيات , عالم الطفل ,الحياة الزوجية |
|
|
|
|
أدوات الموضوع | انواع عرض الموضوع |
|
#1
06-30-2009, 05:11 PM
|
||||||||
|
||||||||
فـــضـــاوة الـــشـــعـــب الـــســـعـــودي
الشعب السعودي يتكون من الرجال والنساء ==>يقالك جايب شي جديد
خلونا نبدا بالنساء يتكون مجتمع النساء من عناصر كثيره <== عناصر ولا فلزات .. هههه منها البنات الصغار ذولي ماهمم الا انهم يرتبون اغراضهم وينامون بدري ويشترون شباصات ملونه .. اما طالبات المتوسطه همهم انهم تصير دفاترهم مرتبه بالالوان والخط صغير يالله نقراه كنه خطوات نمل عاد جينا لبنت الثانويه هذولا ماعندهم شغل الا أنهم يتناثرون بهالمنتديات ويتهاوشن مع العيال ومسوين زحمه والشارع فاضي ... ههههههه واذا كبرو الله يصلحهم تلقونهم لاهين في رجالهم وبزارينهم <== وكنهم فالحين فيهم بعد <== بيتصفق وازين مافي هالحريم اذا عجزو أجلسو معهم وأسمعو سواليفهم وخاصه اذا صار في خشتها ديرم ويديها مليانه حنا هههههههههههه نجي للشباب البزارين الصغار همهم بلاستيشن وجلكسي وحضور مباريات الهلال ولا النصر و1ذا نجحو تلقاه ينشب لأبوه عشان شريط سوني ولازم يصير الدوري الياباني ==>قديم او سيارت واذا جاهم خلاص كنهم مالكين الدينا واذا كبرو في المتوسط سوااا فيها رجال وصار يعرف الدوري الاوربي وعلى باله رجال واذا هاوشته جلس في غرفته يصيح اسبوع ويمكن يكملها 8 ايام ==>يقاله الحين مطول المده واذا جاو في الثانوي ههههههههههههه اهم شي يصير معه كامري وجنوط ويلاحق التفحيط وعلى باله عربجي وياويل اللي يتكلم عليه واذا مسكته ولزخته بكم كف بدا يهدد وهو من جنبها واذا جاء في الجامعه كل ما كلمته قال والله منيب فاضي مشغول دراسه ومذاكره وهو نصاب بس تستدح في هالمطاعم وطردي في الاسواق لا والمشكله تشوف معه كل شي جديد يعني الشماغ جديد والجوال اخر شي يبي يصير جنتل وهو عايش على 850 ريال وكم قرش يذبها له ابوه او امه بالخفيه اما اذا تخرج مافيه لعنه ولا سبه ماقالها للناس والله مالقينا وظايف ولا ندري وش نسوي ياخي نكرف 4 سنوات==>هذا اذا صار شاطر في الجامعه ولا نلقى ولا وظيفه طيب من زينك انت وتخصصك واذا توظف وصار مدرس مسيكين يتورط بهالطلاب وكل ما راح لشارع نقز له بزر قال استاد وش جابك ؟ واذا قرر انه يعرس جت المشاكل كلها على راسه شقه وتاثيث ولعنه خيّر وغثا وهم واذا اعرس وتسهلت اموره تورط بحرمته ودني لا اهلي ودي للسوق رح جب اغراض يعني بالعربي مافيه امل يرتاح واذا الله رزقه بولد ==>الله يالدنيا لو مرض ولده لا سمح الله تورط مايعرف وش يسوي فيه ههههههههههه لا عاد اذا شيب وصار عمره فوق الخمسين تجيه افكار مهيب صاحيه خاصة بعد التقاعد تلقاه مخرب البيت مخلي مجلس الرجال مستودع والمطبخ مكوم حوله الحطب وعزبة البر . يعني فضاوه مدري وش تبي واذا هواشوه عياله وقالو يا يباه تراك غثيتنا كل شوي حايس البيت زعل وتزوج ثانيه وكلتها العجوز هي وديرمتها ههههههههههههههههه يالله احس اني طولت عليكم وروني وش رايكم في الموضوع.......  المصدر: منتديات دومة الجندل tJJJqJJJh,m hgJJJaJJJuJJJf hgJJJsJJJuJJJ,]d 
|
| مواقع النشر (المفضلة) |
|
|
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض الشجري