مذكرات طفل

بسم الله الرحمن الرحيم

السلام عليكم ورحمة الله وبركاته , كل عام وأنتم بخير

(مذكرات طفل كتبها باللهجة العامية وبدهشة السؤال)

السبــــت:

فتحت عيوني..أدور عن نور..أمروني(غمض)..و...غمضت..بعدها ما شفت لا ابيض ولا اسود !

الأحــــد:

كنت أسمعهم يقولون : ( يا حيوان) (يا ثور)(يا بقرة)(يالوح)(يا جدار)

فتوقعت أني في حديقة حيوانات..فتحت عيوني أبغى أشوف تلك (الحيوانات)..قالوا لي:"ما يصلح تشوف قلة أدب"..
سألتهم:طيب..فيه عصفور؟؟
صرخوا في وجهي( انطم وغمض )

الاثنيــــن:

سمحوا لي أشوف التلفزيون..كنت لحالي منسجم مع أفلام كرتون..دخلت أمي..وكان أبو عائلة آدمز(يبوس)أمهم..ركضت أمي ..غيرت القناة..

وصرخت بأعلى صوتها.."عيب عليك..قاعد تشوف قلة أدب..!!"
ناظرتها بكل براءة وأنا متعجب من اللي صار:"طيب وش صار؟؟ أبوهم يبوس أمهم!.."
قالت لي وهي معصبه مره كثير(التبويس..قلة حياء) !!

بعدها بأسبوع..شفت أمي تسلم على أم الجيران و(تبوسها)..قلت لها وأنا كلي أسى"ياماما..التبويس قلة حياء!!.."

الثلاثـــاء:

كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحتووين ما جيت..

بعد ما راحوا..ناداني أبوي وقال:"عيب الواحد يجلس مع بنات..قلة أدب..!"

بعدها بكم يوم..كان أبوي جالس مع عماتي..ناظرته بطرف عين (وتبون الصدق حقدت عليه)

وقلت له : "اللي يجلس مع بنات..قليل أدب!!"

الأربعــــاء:

كنت اسمعهم يقولون (صدام قوي)..وأعجبني...بعدالأزمة..قالوا(حرامي ومجرم)

سألتهم: كيف؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكون..

كنت أسألهم"ليه تضحكون؟!..ما تقولون انه فاسد"...قالوا..ليش ما تنطم بس.!!!

الخميــــس:

أبوي يقول( التدخين)حرام .. واللي يدخن يدخل النار..

وفي يوم شفت أبوي جالس مع صديقه أبو حمد..وأبو حمد ماسك السيجارة بيده..

وقفت وسألت أبوي""طيب اللي يجلس مع اللي يدخنون..يدخل النار بعد!!!"

الجمعــــة:

أسمعهم يقولون..أن اللي يطول في مكالمته يغازل..واللي يروح للسوق يغازل..واللي يعرف انترنت يغازل...

وأمي تطول على التلفون,,وتروح للسوق,,وتطقطق على الكمبيوتر..

رحت لأبوي وأنا مصدوم::"أبوي الحق..

أمي تغازل!!!!

للأسف هذي صور من المجتمع ..

لكن سؤالي ... !!!!!

لماذا لا نوضح للطفل المقصد الأساسي من هذا المنع أو من كلمة (عيب) ؟؟

حتى لا يعمم كل ما يراه ويُطبّق عليه هذا الوصف ..

كما في الصور السابقة! !

بالطبع هم لم يقصدوا ماقصده الطفل ولكن لأنهم لم يوضحوا له

ويفهموه لماذا عيب ولماذا حرام

راح ينظر لكل تصرف من زاوية ما فهمه هو !!!!!!

فماالفائدة اذاً من التربية إذا لم نوضح هدفنا الأساس لأطفالنا ؟!




ودمتم بخير

أخوكم د . السنافي

المصدر: منتديات دومة الجندل

---

l`;vhj 'tg

شـكــ وبارك الله فيك ـــرا لك ... لك مني أجمل تحية .

حياك الله يا راؤول العرب , لكنك لم تعلق على الموضوع برأيك الخاص ؟؟

نقاشات مهمة نفتقد لها في حياتنا اليومية الف شكر لك اخي السنافي

الجهل ببعض الوالدين جعل لغة الحوار والتفاهم بينهم وبين اطفالهم معدومه ..

ربما ليس جهل العلم فقط .. فالجهل بأغلب الامور الحياتيه ..

وأعتقد انه الان تغيرت الاوضاع فالان اهم واشد من ذي قبل ..

تطغى العشوائية في تعاملنا مع ابناءنا بالتربية وبالاجابة عن اسئلتهم ..

المشكلة الكبيرة اننا نصنع منهم اطفالا مشتتين عقليا و مترددين وغير مستقرين..

المربي سواء الوالدين او الاخوان او العائلة او المدرس او المجتمع الخارجي..

عليهم تعلم كيف نبعد اطفالنا عن هذه الحيرة التي تؤثر على شخصيتهم وتبني لهم شخصية مهزوزه..

نحن بحاجة لاطفال واثقين من انفسهم و ليس مهزوزين ومشتتين..



..اشكر لطرحك االمميز دوما باذن الله..

.::::.
.::آعضآء و عضوآت منتدآنآ آلغآلي::.
* لآتعتقد أن عدم رد المشرفين على موضوعك او رد خاص بك هو تجاهل لك بل إلتمس لهم العذر
وإنشغالهم بأمور أخرى قد تكون أهم .
* لآتجعل من الإنسحاب خيار سهل تنحدر في طريقه..
* التميز ليس بكثرة الموآضيع ولكن بمضمونها وبمدى فآئدتهآ..**
نحن كمشرفين ومرآقبين وإدآريين
وجدنا لمسآعدتكـ..
فأنتم الحجرالأسآسي
لهذا آلمنتدى..

اقتباس:

لماذا لا نوضح للطفل المقصد الأساسي من هذا المنع أو من كلمة (عيب) ؟؟

ليس فقط الطفل بحاجه للتوضيح الجميع بحاجه له
ابرز مشكلاتنا التي تتضح لي في هذا الموضوع اننا فقدنا القدره على الاستماع والتواصل مع بعضنا فكيف نستمع للصغار واستفساراتهم
دائما ينظر للطفل انه صغير لا يفهم اي شيء فلماذا ارهق نفسي بالشرح
والحل برأيي ان ندرب انفسنا على الاستماع والتواصل