آخر 10 مواضيع
|
|
|||||||
|
|||||||||||||
|
|
||||||||||||
| ۞ يا ما حلا و الشمس يبدي شعقها ۞ شعراء محافظة دومة الجندل وابداعاتهم الشعرية |
|
|
|
|
أدوات الموضوع | انواع عرض الموضوع |
|
#1
02-11-2008, 05:35 PM
|
||||||||
|
||||||||
ديمونه (דימונה) Dimona
عن أبي هريرة رضي الله عنه قال: قال رسول الله صلى الله عليه وسلم : ( اثنتان في الناس هما بهم كفر: الطعن في النسب، والنياحة على الميت) ((رواه مسلم)). وقد قال النبي (ص): (( إن الله أذهب عنكم عبية الجاهلية وفخرها بالأباء، إنما هو مؤمن تقي، أو فاجر شقي، الناس كلهم بنو آدم وآدم من التراب )) وقال النبي (صلى الله عليه وسلم): (( أربع في أمتي من أمر الجاهلية لا يتركونهن الطعن في الأنساب، والفخر بالأحساب، والاستسقاء بالنجوم والنياحة )) وقال الشاعر: إذا افتخرت بأقوامٍ لهم شرف ,,,,,,,, قلنا صدقت ولكن بئس ما ولدوا  هذه القصيده كتبتها في ذم كل عصبيه قبليه جاهليه تستمد نعراتها وثاراتها وشعاراتها دونما احتكام للدين ,, سلمنا الله واياكم من كل مايضعف الايمان .. البارحة جيت .. بـاكتب عن بطولة ,, وعن مواقف .. وعن طموح مدمِّرات وانكسار مخططات ..وعن تخاذل وعن تجاهل ..وكم موانع يقهرنك دون نصر المسلمين.. جيت باكتب عن فلسطين واهلها .. وعن حجر.. في يد طفلٍ وقف احدث اسلحات ..وهدد المستوطنات .. وعن أملنا بالتكاتف والتكامل .. وان حنّا امة وحدة..نجتمع دنيا ودين وعن مداين راح تفتح.. وعن سلام وعن أماني كثار عندي .. وعن ثبات جدود ماتوا ذكرهم ماعانق احياض الوفاة ..وعن مساحات الامل الشاسعات الفاتحات ابوابها للي صحوا متفائلين لكن الواقع خذلني !! ثم صدمني ..ثم أحزنّني كثير.. وقال وقّفْ! عند حدّك .. حنا وين وانت وين .. لكل شي وفلسفات؟ .. جيت اجمع بعض انفاس هجرتني .. ومارضت إلا أنتمي للمُنهكين شفت كيف الحقد أعمى.. وشفت كيف الجهل أدهى.. شفتنا .. ناكل بعضنا ..وكل واحد شاف نفسه وصدّق إنه هو وريث الأنبياء جيت اكتب شي .. وشوفو كيف الاشياا تعاند .. والحروف الي ابيها .. بالبدايه .. الحين شوفو كيف جات؟ .. .. هذا انتي يالمشاعر.. ترفضين ..وتفرضين ..وانا آطيع اللي تبين وماانكسرت .. لا..لا .. لا..لا .. والف لا ..للانكسار.. لكن الصدمات تأخذ لها فالقلب وقت .. لين يستجمع قواه من الشتات  -هبّت لـ(ديمونا) 1مداخن نتنها و(بو شهر)2 ينثر سعوطه بغليون -(ابن اللّحي)3 يَزغَل لربعه وثنها بليّا وضوء .. إمْن المواقف يْصلّون -الله وعد بالنار موقظ فتنها واللي على منهج (عزازيل)4 ملعون ركْب العدف .. يبْس الزّبد في وجنها وإكديشته تهذل مع اهذال صهيون ! عشنا وشفنا في أواخر زمنها طغمة جهل عشعش بها فكر(سمنون )5 القاب مجهوله !! دلايل وهنها! اللي على جمر الغضا السمّ يشوون يشتم..يسبّ .. وذمّته ماوزنها يبني قصر اوهام ..بحداد (صعنون)6 -بطلاسم (الفنكوش) 7 حاول طعنها وفغّص (حلم)8 جهله على رُمّد عيون كنّ..السما الدنيا بْخيَطه .. كُبَنْها! والشمس ودّه لو عقلها.. بشطرطون ! سلعتك مضروبه وطايح ثمنها ياجالب لسوق المعاميل (نطرون)9 تركب مراكبها ..وتخرق سفنها ساق الخوا فكرك .. الى خيار (شمشون)10 منذو متى؟؟ يـ(ـاطحيح) تامر وتنهى ؟ وانت اللي بعقلك ..لزومٍ يحجرون ! طعن النّسب في ديننا من أذنها ؟ يامثيرة النعره ..على ماش تفتون ! لاتشعلون النار ..نكره دخنها وسكوتنا علّ وعسى بيوم تاعون إسلامنا حرّم نِسِير بضعنها المُنتنه .. لا لا بذراها تصيرون ياهل القبايل لاتزوغون عنها محجةٍ بيضاء عليها تسيرون شريعة الاسلام نتبع سننها مصدر لنا ماننتمي لْمن يظنّون مجهّزين لكل بدعه .. كفنها نقرأ كتاب الله ونمشي بقانون ضمايرٍ غابت وطوّل (وسنها)11 أبعَد ثمرنا .. فوق .. مالا يطيقون راياتنا خضرا ترفّ بوطنها وحنا من اللّي للوطن دوم يوفون دار ابومتعب عزّ منهو زبنها وحنا اول اللي عن حماها يفادون تمت وصلى الله على من ضمنها : ( الخير بالامه ) ..فلا تستبدّون ! الهوامش :
1-ديمونه:مفاعل الصهاينه المعروف 2- بوشهر:مفاعل ايران 3- عمر بن لحي :اول من ادخل الاصنام لجزيرة العرب 4- عزازيل :اسم ابليس بالسريانيه 5- سمنون الصوفي : أحد عقلاء المجانين 6- الصعنون تعني الحجر المستدق مثل السكين 7- الفنكوش : فلم لعادل امام 8- الحلَم: حشره ماصه يعيش على السوائل النسيجية ,,وفغص الحلم على العيون كنايه عن التوهيم والقياده العمياء. 9- النطرون هو (ملح الصوديم والالمنيوم والسليكون والاكسجين). 10- خيار شمشون :وهوخيار (إسرائيل) ، ويمثّل العقلية الصهيونية وشمشون معروف في القصص التاريخية العبريه 11- الوسن : نعاس وثقل نوم . # االكديش = هو هجين بين(الحمار و الحصان) المصدر: منتديات دومة الجندل ]dl,ki (דימונה) Dimona 
|
| مواقع النشر (المفضلة) |
|
|
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض الشجري