اعتذار هادي المنصوري للسعودية

--------------------------------------------------------------------------------

السلام عليكم ورحمه الله وبركاته
مثلما اتهموا خلف بقصيده لاتخصه لتشويه سمعته مع الكويت

ايضا اتهموا الشاعر المذيع الاماراتي (هادي المنصوري) بقصيده ذم عن السعوديه



وهو رد قائلا انه يحب ويحترم اهل السعوديه واكتفى بالرد

بأبيات شعريه نظمها هو بنفسه :


اترككم مع الابيات .............


يا خادم أطهر بقعتين على القاع



يا راسي ان غثك من الحاسد صداع
لا يشغلك الا صداع النعاره

تارد عليك اقوال واقوال وتذاع
وتورّد أوجاعك قصيد وعباره

تحيةٍ من بوظبي بعد الاوجاع
توصل لبو متعب وتوصل لداره


تاصل لذربين اليماني والاطباع
اخوان نوره منتهى كل غاره

قومٍ على مد الوغى تكسر ذراع
وترد في ضلوع المعادي نياره

وتفتح لباب الطيب والجود مصراع
وتصك بيبان الردى والحقاره

اقولها من قلب ماني بمرتاع
من كلمة اللي يلتفت للعياره

يا خادم أطهر بقعتينٍ على القاع
الجود ورّد لك مساه ونهاره


طالت يدك في الجود باع ورى باع
وانساق لك عز الوطن وافتخاره

يا سيدي وان زاد همي بالاضلاع
ما انتظر في الغير رد اعتباره

متربيٍ بالطيب وللطيب مطواع
ماني من اللي يشتكي من هجاره

من لابةٍ تاطى على نياب الاسباع
دايم نباها في المغازي بشاره

ربعي بين منصور صلفين الاكواع
قومٍ على العادات رهن الاشاره

والا السعودي له بصدري توسّاع
احفظ انا قدره واحفظ وقاره

لو حرك الواشي على لساني صراع
أصد انا عنه و احد انتشاره

الناس لو شافت عذق نخلك انصاع
ترمي عليه حجار تبغى ثماره


الحق عند الله موجود ما ضاع
وان ضاع عند الناس ما هو خساره