السلام عليكم والرحمه
التقاء عصر امس الاحد شباب نادي الجندل امام شباب نادي القلعة وانتهت المباراة بفوز القلعة بخمسة اهداف مقابل هدف للجندل
والمباراة كانت من طرف واحد ولولاء حارس المرمى احمد بكر لكانت النتيجة 8 الذي تصداء لركلة جزاء وثلاث اهداف محققه

الغريب ليس ان الجندل خسر ولكن الغريب في عالم المستديرة ان كل نادي في العالم عندما يخفق المدرب في موسم يتم تغييرة بمدرب اخر
وهذا يحدث في جميع انحاء العالم والاهلي السعودي غير مدربه بعد مباراتين
لكن في نادي الجندل المدرب القدير حميدي سعود يدرب بالفريق من قبل ثلاثين سنه ولازال على راس العمل ولازال يمني النفس بتحقيق بطولة

ويقولون ان بينه وبين فيرقسون مدرب مانشستر يونايتيد تحدي من اللي يدخل كتاب قينس اول
بس فرقسون كل سنه يجيب بطولة للمان يونايتيد
اما حميدي كل سنه يجيب لنا خمسه

وصراحه على طاري الخمسه انا صار فيني اكتاب من كثر ما اسمع ان الجندل انهزم خمسه
وربي فشلتونا غيروا النتيجة خلوها سبعه لكن ابعدوا عن الخمسه يعني ماهو مكفيكم كل واحد معه خمسه ويبي خمسه ثانيه

والله مصيبه يا ناس مدرب درب محمد الحجاج وعبدالله عكوف ومحمد معزي وشجاع عواد ودرب ناس كبار في العمر ولازال هذا المدرب مستمر في نادي الجندل وهذا بفضل الرئيس المحنك ابو خلف صاحب النظره الثاقبه في اختيار المدربين

والله يالحميدي والله لو حطيت اسد العامل مكانك لعرف كيف يدرب اللاعبين ولو تروح تقص النجيل والله ابرك لك على الاقل ترتاح وتريح

طبعاً ابو خلف لم يترك الحميدي يدرب مو حب في الحميدي لكن المصالح المشتركة بين الشخصين هي اللي تفرض نفسها فمن له فضل على ابو خلف في الفوز بالانتخابات غير الحميدي لكن بالتزوير طبعاً

ياناس ارحموا من في الارض يرحمكم من في السماء والله مصيبه ما اعظم منهاء مصيبه
معقوله كل سنة خمسه وستة والادارة لديها قناعه انهاء بتجيب بطولة بهذي الخطط المهروسه
يا حميدي ارحمنا وخل النادي في حاله اشتغل في اي مكان بالنادي الا التدريب ياناس من عرفت النادي وهو في كل مباراة تجده يقدم مستوى طيب في اول المباراة لكن سرعان ماتنفرط السبحه بسبب اللياقه الضعيفه للاعبين كم لاعب انسدح بالملعب بعد ربع ساعه من اللقاء كم لاعب اصيب بشد داخل الملعب وهذا كله بسبب سواء الاعداد واللياقه الضعيفه
ياخي استفيدوا من ابو ياسر جالس يدرب من شهر 7 يعني لياقه فل اللاعبين لو اعطيتهم مباراتين ماعندهم مشكلة يلعبون

اما لاعبين الجندل وربي مساكين مغلوب على امرهم بهذا المدرب

والله وتالله وبالله اني لو وجهت سؤال للاعبين هل ترغبون بالحميدي مدرب غير تسمع الاجابه بقوة وصداها راح يوصل الى قمة افرست في جبال الهملايا اتركنا يا حميدي في حالنا
وجنب التدريب تراك بوادي والتدريب بوادي
اتمنى من هذا المدرب صاحب الاخلاق الطيبه ان يترك التدريب فهو رجل خلوق
لكن مو معنى انه يحمل اخلاق خلاص يعرف يدرب

يالحميدي انت العام الماضي مايقولون انك استقلت والرئيس يبي يحطك نائب له وش اللي حصل وخلاك ترجع لمنصبك في التدريب او الرئيس عدل قرارة بعد ما حققت بطولة حواري ويحسبك اطورت


نطلع من عند الحميدي ونروح لرئيس النادي ابو خلف


كيف حالك يابو خلف عسا حالك تمام
والله ماتفرق الامور يابو خلف تجلس بالسطح والا جنب اللاعبين يعني وش تبي تغير
القرعا ترعا والطاسه منشقة طالما انت في النادي

بالله ماتستحي على دمك في نادي بالعالم من دون ناشئين وربي مصيبه ما اعظمها من مصيبه
ياليتك لم تلغي الالعاب وتلغي الناشئين ان يكون التركيز على باقي الدرجان الشباب والدرجة
لكن ان تكون النتائج تاريخيه
خلال يومين هزيمتين من القلعة
والله فشلتونا وفضحتونا بين العالم

ياخي طالما انك الغيت الناشئين ركز على الشباب والدرجة لكن التركيز ماهو انك تجيب حميدي وترزه بالفريق ويركضون هاللاعبين كل عصر تقول بمزرعة برسيم
ياخي اصرفلهم يروحون يشوفون كتبهم احسن لهم من النادي طالما النادي ماهو مقدم لهم شي
وين الحوافز بالتدريب وين المكافئات

عسا ماشر يقولون دخل النادي 350 الف سنوي مانت قدر تخلي منها 20 الف مكافئات للاعبين بالتدريب وحوافز تخليهم يشدون حيلهم
لا تقعد تكذب على اللي جالس جنبك وانت تقرى موضوعي وتقول انا اعطي مكافئات وكل شي
ترى الرسول صلى الله عليهم وسلم يقول "يظل المرء يكذب ويكذب حتي يكتب عند الله كذابا"

لا تضحك على هالمساكين ترانا عارفين البير وغطاه وخابرين انك صرت ماتفرق بين حسابك وحساب النادي

يابو خلف انت انسان محبوب بالمجتمع واحسن واحد بالعالم
اخلاقك يتكلم عنها الصغير قبل الكبير
لكن لازم تعرف ان كل انسان معرض للفشل والنجاح وهذا ماهو نهاية العالم لكن الانسان يترك الفرصه لغيرة عندما يفشل وانت ماشاءلله متشعبط بالكرسي حق النادي تقول شاريه بفلوسك

لكن هل صحيح يابو خلف انك قبل يومين شايفينك بالمحكمه تبي تكتب النادي باسمك
عسا ماشر ياخوي ترى ماهو حلالك وبعدين خل الناس تذكرك بشي طيب بعد ماتفارق عننا
بكرة والله ان تركت النادي ماتلقى اللي يسلم عليك غير العالم كلها تسب فيك

حتى ابو محمد السوداني وعماد المصري والله مايطيقون شوفتك لكن القدر حطهم عندك وهذا حكم القوي على الضعيف
نصيحه يالغالي اترك النادي واحفظ ماء وجهك هذا اذا بقاء ماء بوجهك تحفظه


وان شاءلله نلتقيكم على خير وكل خمسه وانتم بخير


والسلام خير ختام

لا ياشيخ تنكت انت وجهك
انت وش اللي جايبك هنا رح بس احسب مع جماهيركم كم عدد الاهداف اللي راح تسجلها العروبه يوم الجمعه
يقولون ارتفعت النتيجة بالمزاد وصلت 13 / صفر
الله يستر بس


الله يرحم الحال خليتوا هالاشكال تتشمت بنا

شكراً على مرورك والف مبررروك للقلعة الفوز

اخوي عاشق الجندل اشكر لك مرورك
ويشرفني تنوير صفحتي بقلمك

فيما يخص اللاعبين ليس لهم ذنب الذنب الاكبر على الادارة

وليس من المعقول ان نقول للاعب لا تتمرن فالنادي فتح لهم ومن الخطا ان يكون احتجاج اللاعب على الادارة بمقاطعة التمارين

لو كل لاعب قاطع التمارين فلن يكون هناك فريق وهذا الامر يتسبب بشطب اللعبه
نحن نطالب بالاصلاح من الادارة واذا كانت لا تستطيع الاصلاح عليها ان تتنحى وتفتح المجال
لمن لديه القدرة على الاصلاح

اما ان يستمر الوضع على ماهو عليه فهذا غلط كبير