عجزت ../
أحدد إحساسي وألم شتاته المنثور..
وأرسم بـ الحروف شعور بات سنين مزعجني..


شعور قاسي طبعه وأنا في قسوته مأسور..
مثل "طعم القهر"
وأكثر بـ ضيمه حيل خانقني ..


أبشكي لك أحاسيس تبي تطلع تشوف النور ..
ولكن ..!
قسوة بعادك تعاندها وتقهرني ..


أبي أضحك ,,
وأبي أفرح ,,
وأبي أمشي كما المغرور ,,
وأبي أمزح معك ,,
وأحكي ,,
وقلبك بس يسمعني ,,


وأبي أبكي ../
مثل طفل يصيح وخاطره مكسور ,,
ولامن شفتك ../
أبي أشكي لك "بعادك" كيف عذبني..


وأبي أسكت ,,
وأسمع لك ,,
وأناظر بـ العيون الحور..
وأبي أسرح مع همسك ,,
الين الهمس "يسحرني"..


أبي أحس بـ وجودك ,,
وأبيك بـ دنيتي كـ النور..
أخاف ../
أن طالت الظلما ,,
يصير النور " يزعجني"..


أبي لو بس ../
تفهمني ,,
وتعرف ليش أنا "مقهور"..
أحس إني ../
من عنادك أحاسيسي تعاندني ,,


وأحس ../
بـ طيبتي قسوه ترعب "حبي المذعور"..
وتهدم كل أمالي بـ لحظه ثم "تهدمني"..


أبي أرضيك ../
رغم إني أنام وخاطري مكسور ,,
وأبي أرضيك ,,
لو همي من الافراح " يحرمني"..


ولا أبي منك غير ../
أنك تحس بـ " قلبي المهموم " ,,
وتستوعب مدى الحرمان ,,
يوم البعد " قآتلني"

الله يسلمك اخوي عاشق سراب

شاكر لكم مرورك الراقي

دمت بحفظ الرحمن

العفو اخوي الاكحل

شاكر لك مرورك الرائع

دمت بحفظ الرحمن

الله يسلمك قلبك اخوي ابو طارق

شاكر لك مرورك الراقي

دمت بحفظ الرحمن