آخر 10 مواضيع
|
|
|||||||
|
|||||||||||||
|
|
||||||||||||
| ۞ مبدأ التحكيم ۞ النقاشات والمواضيع الجادة |
|
|
|
|
أدوات الموضوع | انواع عرض الموضوع |
|
#1
01-08-2011, 11:59 PM
|
|||||||||
|
|||||||||
لماذا يتقبلها الرجل السعودي من الأجنبية ولا يتقبلها من السعودية
السلام عليكم ورحمة الله وبركاته من كم يوم دار بيني وبين احدى زميلاتي حديث مايخص الحياة الزوجيه وبالأخص عن حياتي الزوجيه وكيف اعيشها فقالت زوجك يرضى لك كذا لو فعلتي كذا مايقول شي من الكلام فقلت لها حنا مرتبين وضعنا زين ومتفاهمين ونعمل طقوس خاصه من كل حاجه حتى الطبخ يكون فيه طبق مميز وحتى السوالف اجيلها لهذا اليوم وعملت غرفه من صنعي تكون راحت زوجي وراحتي فيها وماندخلها الا باليوم من أيام الأسبوع زميلتي الستغربت وقالت الرجل السعودي ينكر الاشياء هذه ومايرضها خاصه لزوجته السعوديه ومع زوجته الاجنبيه عادي فالرديت عليها قلت بصراحه أول مره اسمع بكذا وقالت لي انتبهي من الرجل السعودي وتفكيره السلبي لاتعملي حاجه تنقلب بيوم وليله ضدك وضعتني بحيره وتفكير فعطتني رابط قالت خشي عليه شوفي موضوعي فكان موضوعها بعنوان تقول صديقتي لمن كنت اجهز لزواجي كنت في مصر وجهزت من هناك ومن ضمن الجهاز جبت بدلة رقص اعجبتني واشتريتها لجل افاجئ زوجي فيها واعمل تغيير بحياتنا وماكنت ادري ان هذي البدله راح تنهي زواجنا وتقضي ع حبي وحلم حياتي وسعادتي تقول لمن تزوجت خجلت في بداية زواجنا البسها له وخبيتها عنه لجل مايقولي البسيها لني كنت اخجل منه ولسه مافكيت الخجل وبعد شهور من زواجنا حبيت اعمل تغير بحياتنا وعملت ليله حمراء واجواء رومانسيه ولبست البدله لمن لبستها بالبدايه خجلت لكن تجرئت لجل اسعد زوجي و زوجي لمن شافني جن علي وطبعآ صار كل شي هذايك الليله رقصنا وانبسطنا كانت ليله من اجمل الليالي وبعد ماخلص زوجي وجاء بينام جيته لقيتته جالس فوق السرير يفكر سألته اشفيك قالي وين تعلمتي الرقص وكيف عرفتي تلبسين بدلة رقص وتعملي هذا الجو _ قلتله عادي انا اعرف ارقص من الاول وبدلة الرقص مايحتاج اتعلم كيف البسها لبسها مو صعب مايبي لها تعليم_ __ والجو هذا جو رومنسي عملته من خيالي المهم الزوج ماقتنع بالردود عطاها ظهره ونام تقول جاني خوف وحسيت ان في شي بخاطر زوجي مضايقه وماعجبه تقول ثاني يوم اخذني لبيت اهلي ومارجع اخذني وبعدها طلقني واتهمني اني صاحبة تجارب واني الي قدرت اتجرئ واعمل هذا الشي اكيد عملته قبل مع غيره واني مااصلح ام لعياله باكر اعلمهم الرقص والمسخره وكانت لي صدمه كبيره كنه حلم فجئه وبدون مقدمات خسرت كل شي وكل شي راح وبعدها بشهور تزوج اجنبييه من دوله عربيه __ تقول اخت زوجها السابق ان هذي الاجنبيه مابقى بدلة رقص مجاب لها ومن ليلة زواجهم وهي ترقص له وهو مره مبسوط عليها __ولمن امي قالتله انت طلقت المسكينه لنها لبست بدلة رقص واتهمتها بان الي تعمل كذا اخلاقها سيئه واحين زوجتك هذي من جاتك وهي متعريه مانشوف ستر عليها وجرأه عليها فظيعه مع اخوانك ولطلعت بره ومع اقاربنا من الرجال ______ صرخ بوجه امه وقالها هذي كلها اخلاق وادب ولكانت ترقص لي فهاذي صنعة بلدها ان لازم البنت عندهم ترقص لزوجها شوفوا الفرق السعوديه لمن ارقصت له قال عليها كلام وقال انها ماتستحق تكون ام لعياله يعني هذي الاجنبيه الي هي بهذي الاخلاق هي الي بنضره تستحق تكون ام لعياله اخته علقت وقالت انا مستحيل ارقص لزوجي والله لو يموت اخاف يطلقني واطيح انا بظلم اخوي لهذي المسكينه و نرجع لسؤالنا ليه السعودي يقبلها من الاجنبيه ومايقبلها من السعوديه ويتهم زوجته السعوديه لتجرئت باتهامات مو فيها والاجنبيه يجد لها الاعذار وحده من الاخوات اعرفها زوجها كان مقفل عليها وكل شي عنده حرام وهي كانت منفتحه بيت اهلها وكل مالبست شي عارضه عليها حتى قمصان النوم كان يرفض تلبسها تقول مدري كيف جبنا عيالنا من شدة ماكن متزمت معي وكل شي عنده عيب ومره الخياط عامل لها فتحه صغيره في فستانها الي بتلبسه يوم العيد ولمن شاف زوجها الفتحه شق فستان العيد وتقول مزع معه فرحة العيد معنها كانت لابسه سروال تحته ومايبان شي من جسمها المهم اخينا بعدها تزوج اجنبيه من بلد عربي فتقول انها كل يوم الظهر تسمع اغنية وحده تقول في اغنيتها رجب حوش صاحبك عني __ طبعآ كلنا نعرف هذي اغنية لمين لكن هي ماتعرف لنه زوجها كل شي عنده حرام وعيب المهم تقول جاني فضول اترقب من وين هذي الاغنيه فكان في شباك وراء البيت بالحوش يطل على شقة زوجي الي ساكن فيها مع العروس واثارني الفضول اني اشوف ايش الي يصير جوه وايش سر هذي الاغنيه تقول ناظرت من الشباك وياليتني ماناظرت شفت زوجي لابس شورت ورابط على خصره يرقص مع زوجته الجديده وهي لابسه ؟؟؟؟؟؟؟؟؟؟؟؟؟؟؟؟؟؟؟؟؟وجالسه تصفق له فتقول انصدمت وجلست بمكاني ساعه امسمره وافكر في حياتي الي راحت ولبس الخيشه الي البسه في بيتي وعند زوجي وحتى بالسرير وان زوجي هو السبب المهم واجهته بلي شفته قالي الي سويته هذا حلال مو حرام انه يتحزم ويرقص ويحلق الحيه صار حلال وسئلته ليه تزوجت علي قالها ابي اشوف الدنيا كل شي مقفل عندك قلتله طيب نا اعرف اعمل زيها ضحك بكل مسخره وقالها من جدك تسوين مثلها اعتقد شكلك بيكون مسخره وصار يضحك كثير وراح عند زوجته الثانيه وشغل رجب حوش صحبك عني وعلى عليها على الاخر يبي يحرق قلبي طب ليه كذا كثير من الاخوات يقولون ازواجهم بنفس الطباع وازواجهم هم السبب بتكتمهم اول الزواج وبعض الاخوات تخاف تعمل شي او حركه جديده يقولها كيف تعلمتيها البنت السعوديه والخليجيه تقدر تعمل كل شي لزوجها لكن الزوج هو السبب في انقفالها وبعد كذا يجي يلومها ليه هي مو منفتحه وهي ممكن تكون جريئه لدعمها زوجها وشجعها فاياليت تعطونها فرصه دخلت هنا للرد على الاخوان الي هم اثاروا بردودهم على انها تجربه شخصيه هذي ليست تجربه شخصيه هذي تكررت مع 57 حاله انا شاهدتها وتكررت بمجتمعنا لكن باساليب وكنت اعرف ان الرجل السعودي بدل مايكون يحامي عن هذي المرأه راح يكون ضد لها لكن الرجل السعودي الواعي المثقف الحنون هو الي راح يتفهم ان هناك زوجات يعيشون ظلم زوجها عليها لتزوج من اجنبيه لانه يتغير 180درجه ويعطي زوجته الاجنبيه تصريح ماكان يعطيه لزوجته السعوديه وارجوا من الاخوان ان يكونون مساهمين في رفع الظلم عن المرأه مو قهرها ونا متأكده من الأخوان الي اثاروا بالردود هم جربوا هذا الشي او احد من أسرتهم جرب او قريب او صديق ولكن الي ماجربوه او مايبون يعرفونه ان هناك من يجي ليحكي عن معاناة المرأه السعوديه ويوضحها ادعوا للاخوان المعارضين على تجارب عاشتها كثير من السعوديات وماحسوا بمعاناتهم ان مايشوفون هذا الي يصير او يعيشونه مع اخت لهم او بنت هذه ضحية من ضحايا رجل نفض زوجته كالقشة من فوق كتفه غير مبالي بالضرر الذي يقع عليها وكانها لا تمثل لديه الا بصقة ان شاء بصقها ودعكها بالارض وان شاء ابتلعها اعزكم الله لمجرد انها حاولت ان تسعده وهذا سببه راجع للحصار الحديدي الذي فرضه الرجل عليها فلا يراها الا سجينة وان حاولت ان تبدع وتعمل عقلها لاسعاده جلس مع شيطانه ليتحاورا من اين عرفت ذلك ومن اعلمها ومن علمها ومن افهمها وكيف تعمل ما تعمله الحرة ويكون القرار الشيطاني بالطلاق والعجيب انه يتزوج من هذه المتفتحة والاعجب انه يتمسك بها بل ويزكيها عن الاولى اليس مثل هذا تفكيره عقيم؟ بصراحه ذهلت من القصص التي وردت بهذا الموضوع بصراحه شي محزن وماتوقفت على الشي السعودي القبلي لايتزوج الخضيريه السعوديه اما الاجنبيه فهو يرحب بذلك ماعنده اشكاليه هل حقا يعيب المراه السعوديه امتاع زوجها ماهو فرق بين لباس النوم الخاص للمراه عند زوجها وعن لباس بدلة الرقص وماشابها برضو عند زوجها فقط ؟؟ ومافرق الرقص بالزوجات والاعراس وبين الرقص عند حضرت جنابه ؟؟ كيف يسمح لرجل لنفسه التمتع بالحرام و النظر الى الغنجات من خلال التلفاز او من خلا النت والوسائل المتاحه والحديثه أو الذاهب الى المراقص و يحرم الرجل على نفسه بالمتعه والنظر الى حلاله ويبغض النظر والاستمتع بما حله الله له التأسف منكم على جرأة الموضوع
المصدر: منتديات دومة الجندل glh`h djrfgih hgv[g hgsu,]d lk hgH[kfdm ,gh 
|
| مواقع النشر (المفضلة) |
|
|
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض الشجري