ماهي غريبه وان جفو بعض الاصحاب=من صد خله ومن يودك يلاقيك
ياما خسرة احباب واقراب وجناب=والحمد لله عايش بخير وش فيك
من يتبع المقفين في دربهم خاب=بيع الذي باعك ومغليك يشريك
واضحك وخل اللي ورا الباب للباب=انسى هموم (ن) تزعلك ثم ترضيك
ون ضاق بالك من هواجيس واسباب=وعفت العرب والدار واللي يواليك
سج القدم وطلع على راس مرقاب=وهيض هموم(ن) بالمحاني تناجيك
ومقسوم رزقك يقسمه رب الارباب=اللي عطى غيرك من الناس يعطيك
وترى المقدر مالنا عنه مجناب=يرضيك مايرضيك ماعاد يمديك
هذا هو المقسوم مكتوب بكتاب=منك الرضى والصبر تفرج بلاويك
وعرف ترى هالوقت غالب وغلاب=مرات يصدق معك ومرات يغديك
والأدمي عمره قصيرآ ولو شاب=ون طال عمرك ساعتك ماتعديك
مخلوق من طينن ومرجعك لتراب=وغير العمل من دنيتك مايخاويك