عرس عرابجة ....... لا يفوتكم

بسم الله الرحمن الرحيم
السلام عليكم ورحمة الله وبركاته
دايم نحضر زواجات .. بس المره بخليكم تحضرون زواج عرابجه
يعني من نوع ثـــــــاني
ماراح اطول عليكم
والآن اخليكم مع القصه \



/
\
/
\
/



عرس عربجي على عربجيه(دحيم و حصيصه)لا تفوتكم
ابقول لكم وش صار في ليلة عرس دحيم
المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون
باختصار يحوم الكبد

الولد دحيم داشر 24 ساعه مشاكل وتفحيط وخرابيط و هجوله
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه حصه !!!

عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه
الاب: الووو دحيم وينك؟
دحيم : هلا والله طالع مع الشباب للثمامه

!!! الاب: جعل تطلع روحك يلا تعال اليوم عرسك
دحيم : طيب العرس في اليل يمديني ارجع المغرب
الاب: اقول امش جعل يامشي العصى على ظهرك
دحيم : طيب خلاص جاي
ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال
في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجي ابي اتكي معهم
واشرب شاهي ( والله منسم مررره)
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا ريال
( قايل لكم مهوب وجه زواج)
المهم ويدخلونه على الحريم
يوم دخل

(وهو الي يفتح كشرته ( ابتسامه عريضه
ويناظر في ذا البنيات

المهم يوم طقو الطقاقات الا وهو يطمر ويرقص
ويسحبه ابوه ويقول اركد لا تفشلنا!!!!
المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسيكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول صح يا الرقص مهوب رقص العيال في
الاستراحه امحق رقصصص ؟

الا وابوه يصفقه على جبهته
دحيم : طيب خلاص بانطم

المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له
حصيصه : دحيم ابسالك سؤال؟
!!! دحيم: اسالي
حصيصه : انت الحين تعرف تفحط ؟؟؟
(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي
حصيصه : والله ورني ابي اشوفك تفحط
(دحيم : توهق
(دحيم : خليها بعدين موب اليوم ( يبي يصرف
حصيصه : افا شكلك ما تعرف هههههههههههاي
دحيم : اوريك من الي ما يعرف
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور
الزياره من 9 الى 12 ظهرا و 5 الى 9 مساء
بشرو ان شاء الله تهنيتوا بالعرس ؟




هــــــــااه وشرايكم بزواج العرابجه .. قد احد منكم جربه
العربجي هو الشخص العشوائي الغير منظم في كل نواحي حياته وهو من افرازات مجتمعنا السعودي
لكن ماهي الأسباب التي أدت الى ظهور العربجي في مجتمعنا ..............................؟

المصدر: منتديات دومة الجندل

---

uvs uvhf[m >>>>>>> gh dt,j;l

هههههههههههههههههههههههههههههههههههه

اتوقع سبب ظهوره الفراااااااااااااااااااااااااغ والتربيه

موفق بإذن الله ... لك مني أجمل تحية .

.::::.
.::آعضآء و عضوآت منتدآنآ آلغآلي::.
* لآتعتقد أن عدم رد المشرفين على موضوعك او رد خاص بك هو تجاهل لك بل إلتمس لهم العذر
وإنشغالهم بأمور أخرى قد تكون أهم .
* لآتجعل من الإنسحاب خيار سهل تنحدر في طريقه..
* التميز ليس بكثرة الموآضيع ولكن بمضمونها وبمدى فآئدتهآ..**
نحن كمشرفين ومرآقبين وإدآريين
وجدنا لمسآعدتكـ..
فأنتم الحجرالأسآسي
لهذا آلمنتدى..