السلام عليكم ورحمة الله وبركاته

يعطيكم العافيه جميعاَ

الكل يعرف ان المباراة ما بعد بدات وباقي عليها اربع ايام تقريباَ ، لكن انا متاكد انا المواضيع والاقلام جاهزة من قبل مباراة المسيره لمهاجمة رئيس النادي ومن ثم اللاعبين وبعدها المدرب .

هذا حنا نبدا هجوم قبل الدوري على الرئيس وبعد ما يبدا الدوري نسلخ اللاعبين واخرها الضحيه المدرب ، الى متى وحنا ضد نادينا الوحيد اتمنى يوم من الايام اشوف مؤازرة حقيقيه نشوف رفع معناويات لاعبين الاتهامات في المباراة السابقه طالت حتى الحارس الاحتياطي ليش طيب ؟؟؟ ليه

شباب صدقوني ناديكم بحاجة كل واحد فيكم انا اعرف في ناس تحب النادي وبعيده عنه لكن تغار على النادي وتحبه وحبها هذا نابع من اخلاصها له انا واحد من الناس هذه صدقوني ما اتابع اي مباراة للنادي لكن اسال عن كل كبيره وصغيره فيه انا سبق مثلته ولا حققت شي لكن اتمنى في يوم من الايام يتحقق حلمنا جميعاَ واذا تحقق فهذا انجاز لنا جميعاَ مو لشخص بعينه .

باذن الله يوم الخميس القادم راح يلتقي فريقنا مع فريق القلعه وحسب معلوماتي ان الفريق يسير بخطى ثابته وكل يوم يثبت انه اقوى من اللي بعده واللي يقول غير هالكلام بعيد عن الفريق كل البعد ولا يهمه من النادي الا النيل منه بعد كل مباراه حتى لو كان الفريق فائز ، اتمنى من الجميع رفع معناويات الاعبين لانهم اخوان لكم وهم بشر يسهرون يدخنون ويطلعون للبر ويشيشون .

اتمنى من المشرف على هذا القسم من المنتدى حذف اي موضوع يمس اي شخص يخص النادي وينتمي له حتى لو كان بعيد عن النادي .


انشالله وباذن الله حسب اطلاعي على الفريق مثل ما قلتلكم النتيجه راح تكون مفرحه لنا جميعاَ ولكن ينقصنا الوقوف خلف اخوانا اللاعبين ومساندتهم من اليوم الى يوم المباراة .


*اخواني اللي يطالبون بعوده بعض لاعبين انا متاكد اي لاعب يبي يرجع ويجي لنادي ما راح احد يوقف بوجه لا رئيس ولا غيره الكلام هنا ما يفيد نبي وقفه حقيقيه من كل لاعب يشوف انه يقدر يخدم ناديه انه يعود له باسرع وقت وصدقوني اول من يفرح بعودته الرئيس واخوانه اللاعبين والمدرب .

اعذروني على الاطاله والحقيقه عندي كلام اكبر واكثر من هيك لكن انشالله لي عوده بمواضيع اخرى تخص النادي وبالذات فريق كره القدم ، نبي الردود السنعه اللي ترفع من المعناويات .

المصدر: منتديات دومة الجندل

يعطيك الف عافية اخوي صدى الملاعب
صراحه هذا الكلام اللي محتاجينه من زمان

ونحن معك نطالب جمهور الجندل بالوقوف مع اللاعبين في هذه الفترة
واذا كان هناك نقد يكون نقد بناء يخدم الفريق وليس فيه اي تجريح على احد من اللاعبين
بأذن الله يوم الخميس سوف يكون يوم جندلاوي
ونتمنى كل التوفيق للاعبين وعلى راسهم المدرب القدير محمد الحجاج


مع التحية