بسم الله الرحمن الرحيم

السلام عليكم ورحمة الله وبركاته

الأمير نواف بن فيصل بن فهد بن عبد العزيز آل سعود

نبذة عن سيرته

- من مواليد مدينة الرياض - المملكة العربيةالسعودية.

- درس المراحل الابتدائية والمتوسطة والثانوية بمدارس الرياض.

- حصل على درجة البكالوريوس في القانون بامتياز مع مرتبة الشرف الأولى من كلية العلوم الإدارية بجامعة الملك سعود بالرياض عام 1418هـ.

- أنجز دورة متقدمة في اللغة الإنجليزية في الولايات المتحدة الأمريكية 1419هـ.

- رافق والده صاحب السمو الملكي الأمير فيصل بن فهد بن عبد العزيز- رحمه الله- تعالى الرئيس العام السابق لرعاية الشباب وصاحب السمو الملكي الأمير سلطان بن فهد بن عبد العزيز الرئيس العام لرعاية الشباب في العديد من المحافل المحلية والعربية والدولية الثقافية والرياضية

- نائب الرئيس العام لرعاية الشباب - نائب رئيس اللجنة الأوليمبية السعودية نائب رئيس الاتحاد السعودي لكرة القدم.

- أكبر أبناء صاحب السمو الملكي الأمير فيصل بن فهد بن عبد العزيز - رحمه الله- الذكور.

قاده الإحساس ليكون شاعرا مرهف الحروف شجي المعاني غزير المقاصد أسيرا للشوق ليتهافت الفنانون على قصائده التي ألهبت قلوب الناس وأعادتهم إلى وهج الكلمات الأصيل، وكل ذلك لم يمنعه من أن يكون مسؤولا دقيقا صارما بعمله يعشق النجاح ويفتش عنه باستمرار يعطي كل ذي حق حقه ببراعة يحمل صفات ومزايا الراحل فيصل بن فهد- رحمه الله- وحكمة الأمير سلطان بن فهد وبعد نظر جده خادم الحرمين الشريفين الملك فهد بن عبد العزيز- رحمه الله


اشعار ...أسير الشوق ...




أمسيــة مميزه مع شاعر مميز عذب الكلمه ومرهف الأحساس
,,,أسيرا للشوق,,, هو صاحب السمو الملكي الأمير الشاعر(نواف بن فيصل)
(ولا تزعل)

ولا تزعل ولا تتعب شعورك
ولا تاخذ على خاطرك مني

أبتأسف إلين أرضي غرورك
وأقول إني مقصر غصب عني

أنا معذور لو غبت بحضورك
وحسن الحسن عن حسنك شغلني

لأنك بالحلى لوشفت نورك
بعيني ساعة القرب تعذرني

وش أحلى من العدالة غير جورك
تجنن عاشق منك التجني

لو إن الشور في كل شي شورك
طلبتك بس في ذا الشي طعني

(من يغرس الشوكـ مايجني ورود)

من يغرس الشوك ما يجني ورود
ومن يطفي الشوق ما يلقى دفا

لا تظن الجفا مني صدود
لا وربي لا صدود ولا جفا

زاد حبك زاد عن كل الحدود
وإنت أدرى بالخفوق وما خفى

من غلاك نسيت نفسي بهاالوجود
ياوجود غيره أبدا ماصفى

لا تقابلني حبيبي بهالبرود
تو حبك مشتعلني مانطفى

يوم أنا ضحيت ما أقصد جحود
للأسف كان السبب زود الوفى

جيتني بالغدر وأنا جيتك عهود
صادق الإحساس وشلون إختفى

كيف ما قدرت وضعي والقيود
إنشغلت بدنيتك عني أفى

(نجد يا شمس العرب والجزيرة)

نجد ياشمس العرب والجزيرة
نحمد اللي على حبك فطرنا

ياوطنا كلنا لك ذخيرة
لا نوى الباغي بك الشر ثرنا

من ورى شيخ يقود المسيرة
وتحت راياته مشينا وسرنا

المليك اللي الملا تستشيرة
أبو فيصل عزنا مع فخرنا

زادنا دستورنا والبصيرة
والشريعه نورنا لا سبرنا

من زبنّا في حمانا نجيرة
ومن ظما يبشر بوابل مطرنا

كلنا في الحرب نار سعيرة
لا تجمرنا حرقنا ودمرنا

وكلنا في السلم خير وخيرة
ونشكر الباري إذا أحد شكرنا

سيفنا للحق دايم نعيرة
والخطر يجفل إذا أقبل خطرنا

نفتخر بأمجادنا بكل سيرة
في مضارب بدونا وفي حضرنا


(إحترقت الشوق والشوق إحترقني)

إحترقت الشوق والشوق احترقني
من غدا كل عن الثاني غريب

للشقا حظي مشي فيني وسبقني
آه ياظلم الهوى وظلم النصيب

السهر من عشقتك غصب عشقني
ياعنيد يابعيد ياقريب

سال من عيني قصيد ولانطقني
والسواد اللي توشحني كئيب

صرت له كلي وعيا ماعتقني
وان تفزعت بنهارك مايجيب

أنت وينك يالسروق اللي سرقني
رد لي لو راحتي ودي أطيب

الزمان اللي على دروبك رشقني
كني الديمه على القاع الجديب

يوم جيت أتذكره لاماصدقني
وقال لي إنت البشر تخطي وتصيب

(يا الجماهير هلي ورحبي)

يالجماهير هلي ورحبي بالبطل
على الصوت قولي الأخضر وصل
جانا مرفوع الجبين 00ياهلا أسد العرين
فائزين 00 فائزيت 00 موفقين
من خليج العرب للبحر الأحمر
كل كل الشعب يهتف يالأخضر
ما عرف المستحيل 00 والوصول اكبر دليل
فئزين 00 فائزين 00 موفقين
من سعى للمعالي مايبالي
غالي الفوز وراعي الفوز غالي
والفوارس بالطريق 00 أشعلوا الساحة حريق
فائزين 00 فائزين 00 موفقين
أول الغيث قطره وآخره سيل
ويكمل الفوز بكره والمقابيل
والسعودي فوق فوق 00 والوطن نبض العروق
فائزين 00 فائزين 00 موفقين

(متى عرفتيني حتى تحبيني)

متى عرفتيني حتى تحبيني
لو قلت لك بدري ما أظن انا غلطان

متى لمحتى الشوق و الصدق في عيني
و بيني و بينك درب غربه و بيبان

وش تحسبين الحب يللي تحاكيني
الحب ماهو سالفة بين خلان

الحب صدق احساس وسط الشرايني
الحب يا صوت لفى نبض ولهان

اليوم لا قلتي معك باكر تنسيني
هذي الحقيقة و اسألي كل إنسان

انتي خدعتي إحساسك لا ما خدعتيني
و المختبي مع مر الأيام لازم يبان

لا تسأليني ليه وش صار وش فيني
لا تلعبين بخافق ٍ بات حيران

كانك تبين القرب شبي و دفيني
ولا اتركيني بزحمة البعد بردان


(ناشدتني )

ناشدتني ليه عمري ليل وأيامي حزينة
وأسألتني لي متى
الغربه تسافر يالسفينه
لي متى وأقول ما ادري
وتشهق الآهة يصدري
بالحزن ترحل قوافل كل يوم لي
عايش ماغير أجامل والألم ظللي
آه يالفرحة السجينة
حلمي اللي ضاع وينه
وآه يانار المحبه وقدي
والمحب الله يعينه
وش بظنك يانجومي
الغارقه يالنور
وش ترين بحالة
اللي للشقا ماسور
لاصباح يبتسم والقاه
وارحل في طريقه
كل ماحولي وهم ويلاه
ياظلم الحقيقه
في مواويل التمني
كل ماعانيت أغاني
والوله في داخلي
بالحزن ترحل قوافل كل يوم لي
عايش ماغير أجامل والألم ظللي
آه يالفرحه السجينه
حلمي اللي ضاع وينه
وآه يانار المحبه وقدي
والمحب الله يعينه
ياقصدي وش عليك
ان كثرت الأحزان
الحبر مثل القلم
مثل الهوى حرمان
الحبيب الى نبي
مشغول عنا في هوانا
وكلمتي لمعذبي اقول
ليته لو تسانا
منه ذقت الضيم واجد
لايصد ولايواعد ولايخليني خلي
بالحزن ترحل قوافل كل يوم لي
عايش ماغير أجامل والألم ظللي
آه يالفرحه السجينة
حلمي اللي ضاع وينه
وآه يانار المحبة وقدي
والمحب الله يعينه

(إختلفنا من يحب الثاني أكثر)

إختلفنا من يحب الثاني اكثر
واتفقنا إنى اكثر وانك اكثر
من عدد الصحاري ... من المطر اكثر واكثر
كيف نخفي حبنا والشوق فاضح
وفي ملامحنا من العشقه ملامح
شاعرين ونبضنا طفل حنون
لو تزاعلنا يسامح .. الهوي شيٍ مقدر
هنني ياللي جميعي لك هنا
حطني بأخر مداي
طيرك اللي مايبي غيرك انا
ضمني انت فضاي
صدق اني فيك مغرم فيك مغرم فيك
والحياة وش الحياه الا مشاهد ناظريك
يانهار لو تغيب الشمس واضح
يمك دروبي وكل الناس يدروبي وانا دري
وكل قلب له حبيبه وانت محبوبي وتدري
من عيونك .. صعب تسرقني سواليف البشر
وانا النظر .. زانت فعيوني النظر
الهيام اللي سكن فينا .. تعدانا وكبر
مثل الشجر ولاينحني ولاينكسر
صار مثل الريح جامح

(عضت الأبهــام)

عضت الابهام ما ادري ندم ندم ولاملام
عضت الابهام انتهي والا ابتدي وقت الغرام

يالايمي خل العذل خل الكلام
يالايمي عيني تبي لحظة تنام

عضة الابهام
استودعك ياهم يامنادمي بالوقت

من حب مايهتم ان جيت والا رحت
باكران موعود بضحكة ونغمة عود

ياعمري المولود ذيك العيون السود
باشوفها باكر مشتاق

ياباكر متى يجي باكر
وتصفي لي الايام وعضت على الابهام

ياناقلين هروجكم ماعاد ينفع موجكم
بحري صفا وقلبي من الهم اكتفي

ضليت يانجم الفرح ماعاد به باقي جرح
بصرخ بقول اهواك عطني ابي يمناك

مافات خله مات ما دامت أنا وياك
قل للشقا قله سلام

راحت دياجير الظلام
وانتهت عضت الابهام

(الهمينــي)

الهميني ياالمشاعر بالشعر معنى جميل
علميني كيف أكون وكيف اصير وابتدى

كيف اسافر في عيونك في الزمان المستحيل
كيف تضوين الطريق لناظري وكيف اهتدي

اسمحيلي يالغرام العف يالطيف البخيل
لو تركت القلب ينبض في يدينك في يدي

كيف الاقي في محيط الظهر لي ظل ظليل
كيف احبك أكثر أكثر واتقي طعن المدي

انزفيني كل لحظة همس اكثر من قليل
وصدري في روض روحي يالغرام ووردي

اشتياقي لو عرفني يافرح فجري ثقيل
وردي في فياض شوقي مثل وردة وردي

صرت اسير الشوق غصب خافقي شد الرحيل
رحت لبحور بعيدة رحت ادور عن غدي

مبسمك لا من لمحته كنه لبارق يخيل
ولو وصفت وماوصفت احس انى ببتدي

(يسألوني ليه أحبك)
يسألوني ليه أحبك حب ما حبه بشر
وليه إنتي في حياتي شمسها وإنتي القمر

وليه صوتك لا وصل صحراي يملاها الزهر
علميهم يالحبيبة يا أغلى حبيبة

يسألوني ليتهم مثلي يعيشون الهوى
الأصابع في اليدين الواحدة ماهي سوا

عندهم حبك طبيعي وعندي فوق المستوى
فهميهم يالحبيبة يا أغلى حبيبة

يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب

وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة

يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع

وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة

علميني ليه أحبك حب ما حبه بشر
وليه إنتي في حياتي شمسها وإنتي القمر

وليه صوتك لا وصل صحراي يملاها الزهر
إعذريني يالحبيبة يا أغلى حبيبة

(هلا بلي تمنيته)

هلا باللي تمنيته سنين وشافته عيني
انا شفتك حقيقه حلم هوجاس وسهر واحلام

كثير اجمل من اللي شفت وتخيلت بسنيني
كثير احلى من الواقع كثير اجمل من الالهام

انا جرحي حملته لك ، دخيلك بس داويني
ونسيني عنى شوقي وهمي ولوعة الايام

انا ظامي وتدري زين وش اللي منك يرويني
ابغرق في نهر قربك من اطراف القدم للهام

لمحتك قلت ماشالله ياشيخ المزايين
على روس العذارى تاج

وفي وسط الكلام انغام .. حسدت بشوفتك عيني
حسدت بلمسك ايديني .. ومن زيني ولو اني حاسدن نفسي

ترى مانلام .. خطفت من القمر نوره ، وصرتي دوم تضويني
ولا غيرك يهز القلب ولاغيرك بحضنه نام .. انا احبك

وانا مدري .. تبيني او تحبيني .. وكاد اني احبك حيل
وتموت بوصفك الاقلام

(خير إن شاء الله)

خير إن شاء الله وش اللي زعلك مني
خير إن شاء الله وش اللي غيرك عني
ترى ماجابني الا انت وشوقي
يا أقرب الخلان انا والله ابد ماخنت
ولا فكرت بالنسيان واذا تقوى انا مقوى
ترى الدنيا ولا تسوى خير إن شاء الله

أحسك بآهتك نبره وحزن وشي ماعرفه
وأشوف بنظرتك عبرة ضوت بالحيل مختلفه
عسى ماجيت في وقت لغيري وعسى ماجيت لك صدفه
ترى ماجابني إلا أنت وشوقي ياقرب الخلان
أنا والله أبد ماخنت ولا فكرت بالنسيان
وإذا تقوى أنا مقوى ترى الدنيا ولا تسوى
خير إن شاء الله

حنيني غصب يدفعني وياخذني الوله يمك
وأبد ماظن تمنعني مسافات الظما عنك
تراك أنت الوحيد اللي بقالي
وهمي وليتني همك ترى ماجابني إلا
أنت وشوقي يا أقرب الخلان أنا والله
أبد ماخنت ولا فكرت بالنسيان
واذا تقوى أنا مقوى ترى الدنيا
ولا تسوى و خير إن شاء الله

(اسمحيلي يالغرام)

اسمحي لي يالغرام العذب يالوجه السموح
ان لزمت الصمت أو حتى لبست الاقنعه


اعترف لك ما بقى من عالي الهمه سفوح
انحدر كلي مثل طفل تحدر مدمعه


من يبي بالله يفتح لي غلق صدره و ابوح
ضاقت الدنيا بشاعر طيب قلبه ضيعه


ما قبلنا الحظ قولي وين ابارحل وين اروح
الصبر ياهو يعذب و الاماني موجعه


اه يا جود الحزن وياي و الفرحه شحوح
ضايع بهمومي الغبرا بوسط المعمعه


اشتكي لوسادتي دنياي واسمعها تنوح
كنها بعضي وبعضي وين هو من هو معه


ايه انا و العالم المغرور و الياس اللحوح
خايض حرب الرياح اللي تسوق الاشرعه

مختلط في عبرتي حبر الشقى ودم الجروح
ومستوي في نظرتي غرب الوجود و مطلعه

عودي المبري بقى به من عطايا الوقت روح
وفصل خامس حاير بين الفصول الاربعه

وراس مالي ذكريات حلم وأمال و طموح
لا صديق ولا رفيق ولا طريق واتبعه

نوب اسافر في سديد الراي ونب في جنوح
مختفي صوت الحقيقه كيف ويش لون اسمعه

سامحيني دام هجري واضح كل الوضوح
واسمحي لي بالرحيل بلا تذاكر وامتعه

(تفنن في طروق الحب)

تفنن في طروق الحب شرقني وغربني

معك يا زين دوخات الهوى ويا حلو مشواره

وغرد في سما سمعي أبي تحكي وتطربني

سواليفك مطر عمري .. ربيعي ضحكة أزهاره

حبيبي يا بعد كلي وكلك صدق تعجبني

بغيباتك وصداتك وتلويعك وتكراره

تجنن كل ما اشوفك احس انك تذوبني

وتضيعني من الدنيا .. وتشب بخافقي ناره

جمالك ناهب قلبي وتفكيري ناهيني

دلالك يا رقيق العود .. عود تعزف اوتاره

تولعت بتصانيفك .. وتعذيبك يولعني

وعلى أي حال راضي بك شمس العمر وانواره

(منت راايق)

منت رايق فيك شي ومتضايق
مانت في طبعك ولا هذا مزاجك

التفت لي شوي محتاج لدقايق
انا ماصدقت اشوفك وانتواجه

ودي اطفي بشوفتك نار الحرايق
ودي انسابك ردى الحظ وعجاجه

عش معي في فرحتي وانسى الخلايق
واسمع لرعشة خفوقي واحتجاجه

علم مابينك وبين الما عوايد
من رحيق ازهار روضي وابتهاجه

ليه تخفي يابعد روحي الحقايق
يسألك قلبي دخيلك بس ناجه

وين عني شارد عنظره توايق
مانت في حالة ظلام ولا سراجه

آه ياحلوك عليك الحزن لايق
ياجعل ربي يعجل في انفراجه

جت تسائلني علامك منت رايق
قلت رايق بس ابكتب فيك حاجه

(مهما يقولون )

مهما يقولون مهما صار مهما تم
أنت البدايات وأخر ساحل ومينا

في هرجة الناس بالعذال لاتهتم
لو هم يحسون فينا ماحكوا فينا

ماعقب شرب الصبر والمر والعلقم
شي على طاري الفرقا يودينا

حنا اجتمعنا وشمل العاشقين التم
خضنا حروب الهوى فزنا وردينا

اهواك ماهي مواويل بها اترنم
ترى المواويل هي اللي تغنينا

منا الوفا ياوفي الروح يتعلم
وكل التعابير تبحر من شواطينا

حبيب عمري حياة القلب خل الهم
تقسي الليالى ولكن ماتقسينا

وان كان جدت جدايد حبنا اقدم
ولاعاش راس على الدنيا يبكينا

(مايفضح الي يحب إلا آخر الحظات)


مايفضح اللي يحب الا آخر اللحظات

لامد كفه بالوداع وصد بعيونه

معاه رايات الاسى وجيش من العبرات

وبين الحنايا صهيل خيول محزونه

سلام ياللي ناوي الفرقا عدد مافات

وتعداد مامر السحاب وهلت مزونه

سلام من قلب سكنته انت والحسرات

غلاي تكفى يامودع ناظري صونه

ارحل وانا برحل معي هم وتعب وسكات

واسرار مابيني وبين الروح مدفونه

ارحل مادام الله كتب لك يالحبيب شتات

مالي على حكم القدر راي ولامونه

مالي بعدك الاالصبر ومجاذب الونات

وقصيدي اللي كل خلق الله يغنونه

وان طالت الغيبه ابنعي الحب لو مامات

عسى الهوى بك يشتعل وتردك ظنونه

وباحاول انسى ولو يصيح الشوق بي هيهات

وباحاول أسلى ولو يصيح القلب مااخونه


،
،
،
،

مع فائق تقديري ووافر أحترامي

المصدر: منتديات دومة الجندل