آخر 10 مواضيع
|
|
|||||||
|
|||||||||||||
|
|
||||||||||||
| ۞ يا ما حلا و الشمس يبدي شعقها ۞ شعراء محافظة دومة الجندل وابداعاتهم الشعرية |
 |
|
|
|
|
أدوات الموضوع | انواع عرض الموضوع |
|
#1
04-15-2009, 06:29 PM
|
|||||||||||
|
|||||||||||
@ ساحر الشعر والحكمة شاعر الجوف/عبدالرحمن دابس المرخان & موسوعة لاهم الاشعار والقصائد
  والشعر كـان ما بـه رفعـة ٍ للرجـال بترك الشعر وقولـوا للفتـاه اقصـدي لعنبو الرأس كانـه مـا يعـز العقـال لعنبو السيف كانـه مـا ردع معتـدي  @ ساحر الشعر @ @ شــاعــر الحكمــة @ @ شـــاعــــر الـجـــوف والوطن @ أسماء مهما تعدّدت فلن توفيه حقّه فهو الذي أعطى الشعر الشعبي الكثير وأمتعنا بقصائدة الجزلة من أبياته الكثير الكثير ماهو ممتع ومنها ما هو حكمة فهو أضافة" لكونه ساحرا" للشّعر فهو وبلا شـكّ (( شــاعــر الـحـكـمــة )) جدي سمي ملوكنا يوم انت تنقص ما تزود وشلون لو جدك من العتبـان والا شمـري وأنا شخصياً من أشد المعجبين به ومتابع له شـاعــرنــا هــو الشاعر العذب والجزل الـشــاعــر / عبدالرحمن دابس المرخان أبــو عـبـد الـجـيــد ساحرا" للشعر وبحق لا أرى أكثر من هذا سحراً الله ينصرك ويوفقك وصدق اللي قال من خلّف ما مات @ هـنـا سنعمل له موسوعة لاهم أشعاره وقصائده @  وقـد نقلت إليكم هذه الموسوعة لشاعرنا الكبير الذي يستحقّ من الجميع كلّ التقدير. السيرة الذاتية والنشاط الصحفي للشاعر:- الـشــاعــر / عبدالرحمن بن دابس المرخان التميمي أبــو عـبـد الـجـيــد أحـد أبـنــاء محافظة دومة الجندل ومنطقة الجوف والذي نفخر بأنتمائه لهذه المنطقة سيرة مختصرة لكنها صاخبة كـ روح شاعرنا : الإسم :عبدالرحمن دابس المرخان التميمي والده دابس المرخان شاعر الجوف المعروف وكتب عنه الاستاذ خالد الحميد في كتابه عن شعار الجوف انه شاعر الجوف الاول بلا منازع من مواليد الجوف دومة الجندل 00 1386هـ / 3/ 15 بكالوريوس علوم أمنيه 00كلية الملك فهد الأمنيه عمل في مجال / العمل ضابط أمن برتبة مقدم 00الامن العام00 أنظمة اتصالات 00 في سكاكا لقبه : ساحر الشعر لقب يعتز به اطلقه عليه صاحب السمو الملكي الامير عبدالاله امير الجوف سابقا في احد المناسبات الحاله الاجتماعيه : متزوج اول ظهور اعلامي له : كان في حفل استقبال الامير عبدالاله وتعيينه اميرا للجوف وقصيدته المشهوره في ذلك الحفل 00 واول ظهور اعلامي : عبر الصحف من خلال قصيدة الوداع في مجلة اليمامه قبل عشرين سنه تقريبا له عدة محاورات شعريه ومساجلات مع بعض الشعار مثل عبدالله بن عبار العنزي وعلي بن حمري القحطاني وغيرهم واعتبر شاعر مناسبات وذلك لمشاركته في مناسابات وطنيه مختلفه .. كذلك اعتبر شاعر عاطفي 00وجداني 00 واجتماعي وشارك في عدة امسيات شعريه 00 اما قصائده فهي كثيره 0ما لا يقل عن مئة قصيده بين وطنيه وعاطفيه واجتماعيه عشق الأدب والشعر والمحاورات يكتب الشعر والشعر الشعبي نشرت له قصائد عديده في الصحف والكثير من المواقع الألكترونية والكثير هناك وهناك تعبق أرجاء الشبكة العنكبوتية ..  http://mezn-a.com/mezn/ هدير كلماته توشحت بوشاح الرقي واكتست بحلة من جمال الذوق ورفيع الإحساس برغم من هدؤ حروفه الا أنها كانت شامخة بقوة معانيها وزخارف تصويرها   @ قــصـــــائــــده @  1 ’’أنـا نـداوي والنـداوي نـداوي ’’ والحر مالـه بيـن الاحـرار مجـلاس يكفـخ لحالـه مـع بعيـد المضـاوي فوق الهوى كنه علـى قـب الافـراس شاعـر وقافـي مـا تشوبـه مسـاوي عليـه مـن ربـي مراقـب وحـراس مثل الخوي دايم علـى الحـال يـاوي يسهر معي واسهر معه نطـرد نعـاس يمشي على كيـف المحـب الهـواوي لاهـب لعيـون الغـلا كـل نسـنـاس وامدح به الشيـخ الشجـاع النـداوي عز الوطن لا صـار فـارس وفـراس وارمـي بـه اللـي للرديـات نــاوي بسـم الله اكبـر لاطمـة كـل خنـاس هذا وانا اعرف مين اصـادق واخـاوي على دلال العـز ماهـو علـى الكـاس لا صـار ماهـي بينـنـا بالتـسـاوي تنعاف لو ردت على الميـت الأنفـاس خابت على بعـض الرجـال الهقـاوي فهمتهـا والنـاس ماهـم مـع النـاس دنيا الشقى00 دنيا التعب 00 والشقاوي ما تنبني دنيـا التعاسـه علـى سـاس ’’ارنب سلف مابين هاوي وعـاوي ’’ يقولهـا اللـي يـدرس لـكـل دراس النفـس طابـت مـا وراهـا شفـاوي وحبل الرجاء ممدود ما قصـه اليـاس مانـي ولـد راعـي ولانـي بشـاوي انا ولد دابـس مـن الـراس للـراس بنـي تميـم مهدّيـة كــل غــاوي يومنهـا بالسيـف والرمـح والفـاس مردنـا لعدنـان حـضـر وبــداوي قول وفعل 00 ماهي شخابيـط كـراس وان قالـوا الدجـال جـاكـم يـعـاوي حنا تسعام ابليس عـن كـل وسـواس فـي ساعـة ٍ تطيـش كـل العـزاوي بنـي تميـم محاربـة كــل بــلاس هـذا كـلام الصـدق ماهـي منـاوي حديث صادق من ذهب ماهـو نحـاس يكفـي لنـا دار القـيـم والفـتـاوي من شيخ مايفتي بلا شرع ’’ وقياس ’’ خـوال فيصـل كانـهـا بالـطـراوي وجمـال خالـه كاسبـة كـل نومـاس فيصل شهيـد القـدس مالـه مسـاوي لا طوحنت يطحن عليهـم بالاضـراس ولـو اجلـس اعـدد بكـل القـراوي أتعبت أنا الحساب مـن كثـر الالمـاس آرد علـى العـد القـراح الـرهـاوي والبنك ما فلّـس مـع بنـوك الافـلاس وما يحقـر الرجـال ركـب العـراوي ولا يرفعه ركبه علـى زينـة الشـاس لا صار مـا فعلـه علـى القـوم داوي فلا يفرق المركـب ولا يفـرق لبـاس واليا اطعنـت افـرا اللحـم والكـلاوي واليا عطيت اعطي بـلا عـد وقيـاس شعري ورثتـه ورث ماهـي رشـاوي مثل البحر يزمي علـى كـل هوجـاس من الجوف جوف الجوف ماني جـلاوي كرام اللحى والبـن فـي كـل محمـاس مـا يقدمـون ضيوفـهـم للمـشـاوي ولا قلطـو لضيوفهـم خبـز وغمـاس علـى سنـام العـز طيـب وهـداوي وكم حايل ٍ يضرب بها اخماس باخماس يانمـر ابـن عـدوان عـد الحكـاوي يوم الكرم بالجـوف والحـرب مقبـاس اشهـد شهـادة حـق ماهـي شكـاوي والزير سالـم يشهـد بطيـب جسـاس وعلـى المسافـر مـا خذبنـا كـراوي من قبل ’’خر الذيب ’’ يمشي بالارماس وان بيّعو فـي نجـد تمـر الحسـاوي الجـوف حلوتهـا عطيـه بالاكـيـاس والذيب مـا يبحـل بهـرج الجـراوي وانا أدري ان الوضع قاسـي وحسـاس يشهـد لنـا فيمـا مضـى كـل راوي لا دنقو عن قولـة الصـدق الانجـاس ماهي شعـر وعلـوم طبـل وغنـاوي هذا كـلام الصـدق والصـدق نبـراس وسلامة قلوبكم 00 فيصل = الملك فيصل أل سعود رحمه الله جمال = جمال عبدالناصر دار القيم والفتاوي = المعني في ذلك سماحة المفتي حفظه الله ال الشيخ خر الذيب = معروف للكل صاحب الولد لا طاب طيبه من خواله راشد العجمي نمر بن عدوان = اقصد قصته الشهيره مع غالب راع الجوف عندما ارسل للجوف اهل ثلاث ركايب وثبت له كرم وطيب اهل الجوف الاغراس00المقصود بيت جدي مرخان والي يسند فيه على عبيد بن رشيد يوم يقول = غرساتنا ماقط فيها تجرنا  2 هذه قصيدة لشاعر الجوف الشاعر / عبدالرحمن بن دابس المرخان القاها في حفل اهالي دومة الجندل في عيد الفطر المبارك 1429هـ (( عيدنا يرسم بسمة )) العيد عيد اللي ورى عيسى سجد لله وقام يومن عيسى يقطع الزخرف وهود بالنحيب الذ من صوت السديس العذب بالبيت الحرام وارق من صوت الإمام بساحة القدس السليب والمسعد اللي صف بصفوف التهجد والقيام يركع ويسجد لله الباري ورى عيال الخطيب يالله يا رافع دعا المظلوم من فوق الغمام واقف على بابك وعبدك عند بابك مايخيب نشكي على اللي يسمع الشاكي وعينه ماتنام مثقال ذرة بالبحر والبر عنه ماتغيب سبحانه الفرد الصمد رب عزيز ذو انتقام لم يتخذ زوجة ولم يولد ولا علق صليب وانا اسألك يا خالقي يا باعث القبر الهدام ترحم وتغفر زلتي لا صرت في قبري غريب شاعر ولد شاعر وأعد الصدق مافيها كلام والرامي اللي ما يصيب الصيد جعله مايصيب ادليت في عد الشعر دلوي فيا بشرى غلام باغيه انا فقصر العزيز يفسر الحلم الصعيب سبع بقراتن ياكلن سبعن هزالن يا حرام يوم البقر ماعندها شيمة ولا تعرف معيب ما يدس راسه بالتراب إلا النعامة والنعام والحر الأشقر معتلي والذيب الأمعط جاب ذيب والذيب ما يركض عبث لا يا عزيزين المقام رزقه بنابه والحصاني ماتودي ولا تجيب مبروك عيدك يا وطن تعداد مارف الحمام واعداد ماهب الهوى وأهتز له غض العسيب مبروك عيد اهل الوفاء والمرجله واهل السنام يا لابتي ياللي تفكون النشيب من النشيب مبرزك عيد اهل الكرم لا عدو الناس الكرام من هاجسي والبحر الاحمر ماهو بحال الشعيب مبروك عيد الجوف ياربي تعيده كل عام في ظل الأسعار المخيفة ننثر الشعر العجيب  اسعار طارت للسماء تطرد ورى طير اليمام ما الومها دام تدري لا حسيب ولا رقيب قولوا .. لأبو متعب ترى شعبك غدى جلد وعظام مصايبن يا كبرها من هولها العيل يشيب عيدك مبارك يا طويل العمر من قبل الزحام عيدك سعيد وكم فقير بالوطن عيده كئيب يشرون زاد عيالهم بالدين والكيلو غرام يا مفصل الثوب انصحك خله بلا مخبه وجيب بين الملابس والدفاتر والغرايم والطعام والخمس بالميه ثلاث ريال وش تقدر تجيب بعض العرب يسكن فلل والبعض يسكن بالخيام والبعض مايقدر يوفر لأسرته حتى الحليب ياما حزمنا بطوننا واليوم مافيها احتزام الجوع ماينفع معه محزوم ومرعانا .. عشيب  سوق الأسهم يجلدون الناس من تحت الحزام صاحوا وطال صياحهم هل ياترى هل من مجيب ضاعت دراهمهم في بطن الحوت وبطون الهوام بيع وشرى لكنها بأسلوبها نهب ونهيب إمام عادل مانبي في سوقنا عادل امام والجرح مايبرى تراه ان ماتدخل به طبيب هذا وحنا في زمان النفط وفي عهد السلام وشلون اجل لو تيبس الخبزة وتنشف من قريب اخاف نرجع للورى للظلم وعصور الظلام سلب ونهب يوم القريب يخاف حتى من القريب حرب البسوس بدم ناقة جرت عقال وخطام يارب سترك من دم الناقة ومن ذبحة كليب خمسين عام ودمها مابين ثارة وانتقام راحت من المرعى تجر خطامها عقب الهذيب بأسبابها راحت لحى واشناب واندقت عظام والزير سالم من هذاك اليوم ومضرابه عطيب إياك اعني وافهمي يا جارة اسرار الغرام واسأل مجرب مثل ماقالوا ولا تسأل طبيب والعولمة بنت الذين شغلة عيال الحرام شعارها لا يشرب المسلم قبل يشرب ربيب بديتها بالطيب واختمها على مسك الختام على النبي افضل صلاة الله وآله والصحيب مع السلامة يا رمضان الخير يا شهر الصيام وداعة الله لا تطول يا شهرنا بالمغيب @ الشاعر @ @ عبدالرحمن بن دابس المرخان@ [IMG]http://www.mo9tataf.com/wp-*******/uploads/2011/05/%D8%A7%D9%84%D9%86%D8%B5%D9%8A%D8%AD%D8%A9.jpg[/IMG] 3 النـــصيحه   قصيده بمناسبة زيارة صاحب السمو الملكي الا مير عبدالاله بن عبدالعزيز آل سعود امير منطقة الجوف الى محافظة دومة الجندل للشاعر الرائد : عبدالرحمن الدابس المرخان التميمي في عيد الفطر المبارك نـصـايــح أول كــــان والــــم جـمـلـهـا والـيـوم مـــاوالله تـســاوي ولا ريـــال الا انـــت واخـوانــك وابـوكــم بـذلـهــا اتشيـر وتشـاور وتركـن عـلـى رجــال انـت استمـع وحمـاك ماحـدن دخلـهـا مادامـك انـت الابــو وحـنـا لــك عـيـال ربـعـك هــل الـجـوبـه قـلـيـل ٍ مثـلـهـا مـا قولهـا انـي جوفـي الجـد والخـال انــزل وشــف والـمــس بـيــدك عللها وتــزود بصـبـر ٍ جمـيـل وسـعــة بـــال الله نـــزل بالـلـيـل الاظــلــم سـألـهــا ونـادر بهـذا الوقـت مــن يبـنـي آمــال الـــدار تـكـبـر بـــك وتـكـبـر بـــا هـلـهـا متنومسيـن بجيتـك يابـن الابـطـال والله لــوانــي مــنــك لازرع سـهـلـهـا وابني صـروح ٍشامخـه واهـدم جبـال بـيـدك تجـيـب الـنـبـك تـنـثـر خصـلـهـا وبيدك تخلـي الجـوف تزهـى وتختـال وبيدك بلمحة عين حايل حايـل نصلهـا وبيدك تخلـي الجـوف تزهـى وتختـال وبيدك بلمحة عين حايل حايـل نصلهـا مــع النـفـوذ ونـاصـل الـعــم والـخــال نـبـي نـشـوف اجــا وسلـمـى جبلـهـا هــي كلـهـا يــا سـيـدي عــدة امـيـال ونبـغـى الـقـروض تـزيـد وتكـثـر فللها حتى العماير تقهـر (العبـد) و (قيـال ) وعـنـدي مطـالـب طالـبـك قــل قـلـهـا رجـــاي بـعــد الله بشـخـصـك ولا زال مـصــحــةٍ تــنـــزع وقـــــرّب أجـلــهــا في دومـة الجنـدل غـدت حالهـا حـال مــوؤدةٍ تـنـشـد وش الـلــي قتـلـهـا؟ بكت وعقـب الدمـع شـف دمهـا سـال الـصـايــبــه مـــاقـــول والله بــدلــهـــا لـو قلـت غيـر الصـدق مانـيـب رجــال الـــدار مـــن يـابــر ويـكـتـف نخـلـهـا ؟ لا صار مـا نرقـى تـرى نجـوع يـا عيـال هــذي عـروسـه بـــس بـاقــي حللها للصـدر عقـد ويكفـي السـاق خلخـال الـمـا قــراحْ وشــف حــلاوة عسـلـهـا وغـيــد ٍنـمـاهـا للمـسـايـيـر وظــــلال الـبــنــت تـكــبــر يـــــوم يـكــبــر دللها تزهـى بعيـن النـاس مقفـى ومقـبـال وسـمـيــة ٍ جـتـنــا تـــــرادف خـيـلـهــا مـا تعـزل الظلعـان منهـا مــن الـجـال حـوامــل ٍ سـبـحـان مـنـهــو حـمـلـهـا ارزم رعـدهـا وسـبـح بحـمـده اجــلال الله بـلـفـتـاتـه وعــطــفــه شـمـلــهــا الجوف هبت لـه وصـال اسمـه وجـال الـجـوف امـانـه فــوق متـنـك وشلـهـا تسـال عليهـا مــع صـلاتـك والاعـمـال في ساعـة ٍ تغشـى المراضـع هولهـا متعلـقـيـن بعـنـقـك رجـــال واطـفــال عــن زملـهـم تـسـأل وحـتـى همـلـهـا وتسأل عن الشارد وتسأل عن الظال والشـاة تـسـأل عــن رداهــا وهزلـهـا واللـي كلاهـا السبـع بايـام الامـحـال والـلـي منعـهـا يــوم تـسـأل خجـلـهـا مابـيـدهـا حـيـلــه تــحــاول وتـحـتــال مـابـاقــي الا تـبـيــع تــكـــرم نـعـلـهــا لـقـمـة اعييـلـهـا عـلــى كـــف الاذلال يــا سـيـدي الـنـفـس عـجــل جـدلـهـا مـن قبـل مـا ينـفـع نـقـاش ولا جــدال ماحـدن مـعـك يـدفـن ولا احــد ٍقبلـهـا واقـرب قريـب ماحـمـل عـنـك مثـقـال الــنـــاس بـالـدنـيــا كـثــيــره زولــهـــا وهنـاك ماتلقـى مــن الـنـاس الازوال كــل ونـفـسـه عـنـدهـا مـــا شغـلـهـا حـفـاة ٍ عـرايـا ذهّــل وقوفـهـم طـــال يـابـن الملـيـك الـلـي تـجـاوز فشلـهـا لــولاه الــى يـومـك مـثــارات وقـتــال عـــيٍ عـنـيـدٍ ضـــرسْ عـجّــز دولــهــا من هيبته كم من زعيـمٍ خضـع ذاااال المـعـتـصـم شقـيـقـتـه مــــا خـذلـهــا لعيونهـا الصاعيـن بصـاع الـعـدو كــال مــن شانـهـا القـتـلـى تـنـثـر وصـلـهـا مـيـة صـويـب وقــرن الـفـيـن بـحـبـال حــر ٍ شـهـر يـومـه زعــل مــن زعلـهـا كــذا الـزعـل والا فـــلا تـقــول زعـــال والكـعـبـه ابّـشـتـه وبـيــده غـسـلـهـا والمسجـد تعـمـر بـالايـدي والامــوال وعـقــب مـلــوك ٍ لـلـمـواقـف كـفـلـهـا صـيــارم ٍ وسـبــاع ونـمــور واشـبــال يتـرحـم اخـرهـم عـلــى ارواح اولـهــا وكبارهم وصو علـى القـدس الانجـال انــا مدحـتـك 00 مـيـر مـاحـدن نقلـهـا والكلـمـه السـيـه لـهـا الـفـيـن نـقــال قصيـديـتـي تــخــاك لاخــــر جـمـلـهـا واخـر حـروفـي لــك تحـيـات واجــلال 4 يـوم جتنـا العلـوم الطيبـات الجـزال أنكـرو علمـي الغانـم ومــدة يــدي والله اني ما سـوق الناشفـات الهـزال العطايـا اجوديـه مـن يميـن أجـودي والقصايد تنادي : (انـت ابونـا تعـال ) والهجيني علـى عـدل السنـام إيحـدي طاب حظي وطـاب العـم هـو والخـوال طاب كيفـي ورفـرف بالنجـوم اسعـدي ما طلبت بقصيدي من هـل المـال مـال الله اللـي كفـل رزقـي قبـل مـولـدي لو طلبت أقطع اليمنـى واقـص الشمـال اسمعي يا حروفـي وانظـري واشهـدي لقمة العيـش لـو تاتـي بـذل السـؤال جعلها سـم هـاري وافهمـو مقصـدي والشعـر كـان مابـه رفعـة ٍ للـرجـال بتـرك الشعـر وقولـو للفتـاه اقصـدي لعنبو الـراس كانـه مـا يعـز العقـال لعنبو السيـف كانـه مـا ردع معتـدي والحسايف علـى الدنيـا الدنيـه طـوال كـل مـا ننتهـي مـن سالفـه نبتـدي ايه انا الي رسمت الحرف فـوق الرمـال وان عصاني رسمت الحرف فوق الجـدي البدايـه تـزلـزل راسـيـات الجـبـال مثل مزن السحايب جيـت فـي موعـدي احتفـل بالقصيـده مثـل ذيـب العيـال والقوافـي بناتـي والقصـيـد ولــدي دام ربـي جميـل يحـب كـل الجـمـال ليه أجل ما شتري بشت الحساء وارتدي ؟ اعتق الحرف من صـدري وكنـه بـلال واسجنه في قفص صدر القهـر ويغـدي وين انا ويـن ودرب الحسايـف طـوال والوطـأ مجرهـده والزمـن سـرمـدي مات صدام وهو يضحك علـى كـل حـال قال انا ما ني أحسن من قصـي وعـدي ارتفـع قبـل يرمونـه بذيـك الحـبـال مات موتة شرف يا بو عدي يـا بعـدي ما يحـرك شعـر راسـي هـدف للهلال وان بغيت اقتدي اعـرف بميـن اقتـدي ضيعتنـا مزايـيـن الغـنـم والجـمـال كيف توي دريت التيس خـده نـدي ؟ ! أحسب انه على ما قيـل بيـن الصخـال واثري انه على بعـض الرخـوم إيعـدي ضاق صدري وانا شاعر وسيـع الخيـال بين الأشهـاد وكنـي عايـش بمفـردي وانثر الدمـع وكـم دمعـه بنيـة حـلال تجلي الهـم لا غـاب الصديـق الـردي قلتها يـوم شفـت الظـل ماهـو ظـلال والبلـد تشبـه بـلادي ولاهـي ابلـدي  5 القلوب تنزف دماً ................. والعيون تقطر دمعاً................... وإلى الله نشتكي ...... ولا حولا ولا قوة إلا بالله العلي العظيم......... فئة ضالة خرجت من رضىا الرحمن وأتبعت ا الهوى والشيطان ,أختارت الضلال في معصية الواحد الديان و أتبعت الهلاك والخراب والدمار,شرذمة قليلة ظللت بافكار منحرفه زين لها عملها , روعت الآمنين , وانتهكت كل الشرائع والقوانين, لا أدري إلى أي دين ينتمون, ندعوا الله العلي القدير أن يهدي شباب المسلمين , ويحمينا من كيد العابثين ويحفظ اللهم شبابنا ويهديهم الى مافيه خير للأسلام والمسلمين , ويحفظ اللهم هذا الوطن بلادنا بلاد أرض الحرمين أرض التوحيد من خطط المارقين , برحمتك ياأرحم الرحمين أنك على كل شئ قدير. لاأريد أن أطيل عليكم أترككم مع قصيدة مختاره للشاعر الشاب المبدع :عبدالرحمن الدابس (الجوف ) كما يحلو للمتذوقين لشعره يلقبونه (بساحر الشعر ). نتركمم مع القصيدة الرائعة ..............  القضــــــــــــــــــــــــــــــــــــــــية القضية .. ياهل الأرهاب :enfjaar:.. والفكر السقيم @@ كيف تذبح شخص مسلم ؟ كيف تذبح مسلمه ودنا الفتوى تجينا من فهيم .. ومن عليم @@ شاب راسه .. شاب قلبه .. قبل مايشيب اقلمه راح عمره .. كل عمره ..بين سين وبين جيم @@مادرس علم الشريعة .. بالزوايا المظلمـــــــه النبوه للنبي أحمد .. وعيسى .. والكليــــم @@ والفتاوى للشيوخ .. أهل الرضا .. والمرحمه شاربين العلم كله .. راسخينه .. للصميم @@@@وكل واحد من تقاهم .. خاف لاتزل اقدمه واسألوا راع الغنم بالبر .. وكم راعي فهيم @@ والله انه يالمخرب مايحلل لك دمـــــــــــــه ياعديم الشور والمرعى ترى عشبه وخيم @@@ والله انه وسط جوفك نار .. وطعمه علقمه نارها تاكل خضار الزرع وتلعب بالهشيم @@@@ والثمر يسقط .. ويذوي .. قبل ياتي موسمه وين مايبكي عليكم ؟ ... لارجال ولا حريم @@ والدموع .. بكل عين .. وكل خد محرمـــــه والسياسه عند اهلها .. تخضع لفكر العديم @@ والقياده للقيادي .. ماتحب الشرذمـــــــه والوطـــــــن .. كله وطنا ... وحده ذاك الزعيم @@ حطم اعظام الحيايا .. وكل شيطان ارجمه جابها يوم البست له .. جابها الرب الرحيـم @@ وحدد حدوده بسيفه .. ماستعان بمرسمه والعظيمه مملكتنا .. ماتشوم الا لعظــــيم @@ ملهمتنا بالقصايد ... والمواقف ملهمـــــــــه عيب والله .. عار والله .. فعلكم كله ذمــيم @@ كيف عاقل قال انا عاقل وبيته يهدمـــــه ؟ أي دين ؟ واي مذهب ؟ ..... وأي شرعه يالئيم @@ تذبح المسلم بكف القدر وتاكل بلحمه ماعملها غير مفسد .. ماقترفها ..... الا رجيم @@ يعني لو ماقالولي انتم ... قلت فعل مسيلمه الثكالى والأرامل ... واليتيمه . واليتيم @@@ يلعنون اهل الجرايم ..... والكفوف المجرمه لعنبوكم .... مااسركم طيبها الجزل .. العميم @@ يكرم السامع ... وحتى الكلب تأسره اشحمه تشهد الكعبه عليكم .. والمشاعر ... والحطيم @@@ والرياض .. أم الجزيره كلها ... والملحمه أمنها غصب عليكم .... دعوة آبوها ... ابراهيم @@ ورزقها كله على الله يوم بالغيب اقسمه ياوطن ياتاج راسي ... عشت وتباً للخصيم @@@ والله انك كل شعري ... وكل حرف ننظمه يارجال الأمن وانتم .... ذخرها عن كل ضيم @@@@ جاهزين ..وكل ساعد شال سيفه وعلمه ياعسى من مات منكم وسط جنات النعيم @@@ ويجبر الله كل كسر من الكسور المؤلمه ياوطن يسلم جنابك ... من شمالك للقصيم @@@@ وشرقك وغربك ونجدك والجنوب يسلمه يحفظك من كل شر الحافظ البر العليـــــم @@@@ وكل شبر ياوطنا منك ربي يعصمــــــه والسماء ... لابد تصفا ... وتنجلي عن كل غيم @@ وكل من يعبد صنم .. يدخل جهنم بصنمه هذه قصيدة ((غروب الشمس)) للشااعر..عبدالرحمن المرخان نظرا لاعجابي بها احببت ان تشاركوني قرائتها..  اخترت هذه الموسوعة لإعجابي بالمقام الأول بهذا الشاعر ولما يحمله من حب لمدينته ..!! وثانياً بتاريخ هذه العائله الشعريّه العريض والمشرّف والملئ بالشجاعه والكرم ..!!   المصدر: منتديات دومة الجندل @ shpv hgauv ,hgp;lm ahuv hg[,tLuf]hgvplk ]hfs hglvohk & l,s,um ghil hghauhv ,hgrwhz] 
    ღღღ أرقَىْ مَا يتِعْلمُهـ الأنَسْان فَي حيَاتهْـ ღღ أَنْ يِسَتمُع لكَل رأَيْ ويَحَترَمهٌـ ღღ ولَيْسٌ بَضٌرَورهـ أَنْ يقَتنٌع بَهٌـ ღღღ
آخر تعديل مشاعر إنسان يوم
05-31-2011 في 04:01 AM.
|
|
04-15-2009, 06:41 PM
|
#2 | |
|
شخصية مميزة
|
@ مــلاحــظــة هــامّــة @
أتمنى من الجميع من لديه أيّ قصيدة لشاعرنا المحبوب ( أبو عبد المجيد ) أن يضعها هنا مشكورا" لتكون هذه الصفحة ديوان لقصائده ويستفيد منها الجميع والمشاركة مفتوحة للجميع ويا هلا ومرحبا. =( ولكم منّي خالص الشّكروالتقديرودمتم بودّ )= مشاعر إنسان |
|
|
ღღღ أرقَىْ مَا يتِعْلمُهـ الأنَسْان فَي حيَاتهْـ ღღ أَنْ يِسَتمُع لكَل رأَيْ ويَحَترَمهٌـ ღღ ولَيْسٌ بَضٌرَورهـ أَنْ يقَتنٌع بَهٌـ ღღღ
|
|
04-16-2009, 12:21 PM
|
#3 | |
|
شخصية مميزة
|
هذه القصيده أحببت أن اوجها الى لخادم الحرمين الشريفين أبو هذا الشعب لعله ينظر
بعين العطف الى شعبه الوفي وهو راعي الأوله وليس بمستغرب عليه ابو متعب حبيب هذا الشعب العظيم مع العلم ان وطنيتنا لن نساوم عليها فكلنا فداء لهذا الوطن بكل ما نملك قولوا لبو متعب ترى الشعب مقهـور ياخـادم البيتيـن امسـك عصـاهـا ضاعت فلوس الناس مع كـل هامـور ومثلك يعرف البير ويعـرف غطاهـا من سي لاسوأ وبين عاثـر ومعثـور وسهمك 0وهو سهمك رموه بخلاهـا! كيف اشكي العله علـى كـل دكتـور والطب عندك وانـت تعـرف دواهـا ماخافـو الله خالـق النـار والنـور حتـى الأرامـل شاركوهـا بعشاهـا ياقلبي اللـي فيـه نيـران وحـرور ضاقت علي دنيـاي وسكـر فضاهـا سوقك بلون الـدم باسبـاب مغـرور يضغط علـى سابـك وكسـر يداهـا في عشر اواخر نرجي الذنب مغفـور قامـوا علينـا قومـة ٍ مـا وراهــا واعمار صارت دمهـا اليـوم منثـور وخاب الرجاء باعمار واللـي رجاهـا ياما بنينـا فوقهـا ابـراج وقصـور وراحت سدى والسوق دحـدر معاهـا كم شاب قال ابغى اتزوج من الحـور وافلس وبيره جف مـا شـاف ماهـا وكم راعي أسره أصبح الصبح مفقـور العيـد بكـره واسرتـه مـا كساهـا وقمت اتفكر وادرس الـراي والشـور قلت ازبن لصقر العروبـه .. ذارهـا بكلمه تجي من عنده اليـوم مسـرور والسوق يرجع عشب يـروي ظماهـا يادرعنا لا صـار بالكـون عاصـور كم صرخة ٍ للنـاس تسمـع صداهـا يالحر 00 يابن الحر 00 والحر مخبور قاد الحـرار الشامخـه فـي سماهـا ما يلحقك يا سيـدي شـك وقصـور لكـن رسالـه ياصـلـك محتـواهـا انـك ابونـا والرجـا فيـك موفـور عدلك شمـل كـل الديـار وغشاهـا جوني يعزوني على السـوق ماجـور قلت البقـا بالشيـخ يطفـي لظاهـا ويرد لون السوق عشبـي ويخضـور مثـل علـم دار السعـود وصفـاهـا خيرك عميم وشاكر النـاس مشكـور ومزن الحيـا عـم البـلاد وسقاهـا انت الرجا بعد الولـي تدفـع الجـور واسلم عساك تدوم وتحمـي حماهـا @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:22 PM
|
#4 | |
|
شخصية مميزة
|
قصيدة رائعة جدا للشاعر : عبد الرحمن المرخان
سحابة جيتي وانا كلي قهـر وانتـي آمـال جيتي على صحراء الظمى يا سحابه أنا السكون اللي ورى كـل زلـزال وانـا الهمـوم الطايحـه بالكتـابـه وانا الجبل00 بس للأسف مالي ظلال واضحك 000 وانا كلي هموم وكآبه جيتي00 وانا لا عم عندي و لا خال وصرتي بعيني عن جميـع القرابـه مدينتـي كانـت متاهـات واطـلال ونهري سراب 00 وجنة الخلد غابه وباب السلام لعالمي حـرب وقتـال وصبري على دنيا الشقى صك بابـه قبل المحن تخلق 00 لها يخلق رجال ومن لا حسبنا ما نحسـب حسابـه ما ننخدع لو يلبس الجاهـل عقـال لا صار ماهي من الصميـم المهابـه تغيـرت كـل المظاهـر والاشكـال وبعض الغنم صارت تخيف الذيابـه يا غاديه 00 وانا تضاريسي جبـال قبلـك كثيـر اللـي خيالـي غدابـه ما تاصليـن لقمتـي غيـر بحبـال مغرور 00 وشيبي ما يقبل شبابـه ما يصعد لقمة بطـل غيـر الأبطـال والسهـل ربـي خالقـه للغـلابـه يا حلم وش صحاك والليل مـا زال ؟ يا جرح من يدميك لا عـاش نابـه يا ضاميه لعيونـك الشعـر شـلال وادعي علـي ودعوتـك مستجابـه بنيت لـك بالقلـب غايـه ومنـزال وسلمت لك قلب العذاب بعذااااااااابـه |
|
|
|
|
04-16-2009, 12:22 PM
|
#5 | |
|
شخصية مميزة
|
مجاراةالشاعر عبد الرحمن المرخان على قصيدة المرحوم فيصل الرياحي ( ياربي )
قصيــدة الشاعر فيصل الرياحي رحمه الله انا أدعوك ياعالم بغيب الليال السود...قريبٍ مجيب ليـا تكلمـت توحينـي تغفر الذنوب اللي لها فالكتاب شهود...ياربي لمـا بريتنـي مـن يبرينـي أنا عبدك المحتاج وأنت الله المعبود...وفيك الرجاء ياخالق أدم من الطيني ألا يالله أبعدني عن الشك والمنقـود...وستّر عيوبي يوم نصب الموازينـي لاصارت عظامي هيكلٍ في لحد ملحود...من اللي بيذكرني ليا صرت ناسينـي تفكرت بالدنيا ليـا ماوراهـا فـود...وأهلها عليها رغم هـذا حريصينـي يلمونهـا بالكـم ويـدورون الـزود...ولو يملكون الكون ماهم براضينـي لقيت القناعه فالبشر كنزها مفقـود...فقيرين فقر إنفوس لو هم غنيينـي يثور الطمع فيهم كما ثورة البـارود...ويمسون خلاّن وصبـاح متعادينـي سمك في بحر مامنه ناشد ولامنشود...ظلام الطمع حالك وهم فيه سارينـي قصيــدة الشاعــر عبدالرحمن المرخــان عساها مجابه دعوتك من ولـي الجـود...اعزي وانا من عقبكـم مـن يعزينـي عسى جسمك الطاهر ابد مايجيه الـدود...اخاطبك والبرزخ حجـز بينـك وبينـي رحمك الله الباري وهذا هـو المقصـود...ابدعي لربي 00 وارفع لربـي يدينـي وباب السماء ماهو عن اهل الدعا مردود...ويدعي معـي شعـار قسـم النداوينـي عساها شهاده يوم شاهـد وذا مشهـود...وتارد على الكوثـر وظـل البساتينـي وتقطف ثمر ما لاق وطلع النخل منضود...وثوب ٍ من استبرق وحـور ٍ مزايينـي نهل الدمـوع وجونـا معتلـج بـارود...على نار غزه صـارت النـار نارينـي ومن منات مثلك حي لو هيكلـه مفقـود...وكم ناس بين احيـاء ولاهـم بحيينـي تفتح لك الجنـه وبـاب اللهب مسـدود...اقوله وانا دمعي علـى خـدي وعينـي عليك الشعر يبكي ويلطم عليـك خـدود...وانا ابكي وابي يبكي معي تركي الفينـي عسى الله عزانا يجبره والكبـد ملهـود...الا وينك انت اليوم ؟ وانا بعد وينـي ؟ |
|
|
|
|
04-16-2009, 12:24 PM
|
#6 | |
|
شخصية مميزة
|
قصيدته بالشاعرة / عيـــــــدهـ المشاركة بمسابقة شاعر المليون
 كان الشعر عيد ربي وانقلـب عيـده طو ّح بشوت الرجال ولبـس شيلتهـا ينعـاف طرقـه وتلحينـه وتـرديـده ما باقـي الا نحطـه باسـم عيلتهـا ياعبيد ’’ بقعا ’’ تراها صارت عبيده تقتل وتدفـن تحـت راسـك قتيلتهـا العلم واضـح00 ولا يحتـاج توكيـده زميل مهنه 00 وصفق مـع زميلتهـا والجمر كل ٍ حثـاه لخبـزة وليـده ؟ وحرب المصالح عميله مـع عميلتهـا ما يعاقب الا الصدوق اللي مشى سيده والمايله ما تشـوف النـاس ميلتهـا مسكين يا الشعر ! كلن يسحبـه بيـده جنيـة الشعـر ساقـت لـه قبيلتهـا ماعاد نعـرف جنونـه مـن نماريـده وبارود الاشعار مـا تطفـي فتيلتهـا بالسوق تلقى الاصيله جنـب تقليـده ’’ ميد ان تايوان ’’ تقليده واصيلتهـا من طاح منه العصا طاحـت بواريـده كب الكثيره 00 وخـذ منـي قليلتهـا والطير لامن كفخ ما يرحـم الصيـده من تحت عكف المخالب ويش حيلتها ! لا حـدر العلـم لا تبلـش بتسنـيـده اربع وكلـن تبـي تظفـر بـليلتهـا وطويـق بايـن ولا يحتـاج تحديـده قصرت حبل السوالف عـن طويلتهـا والبنت لو تلعب ’’ الفوتبول ’’ وتجيده تلقى الحكم ما يشـوف الا فنيلتهـا ! |
|
|
التعديل الأخير تم بواسطة مشاعر إنسان ; 06-05-2011 الساعة 07:49 PM
|
|
04-16-2009, 12:24 PM
|
#7 | |
|
شخصية مميزة
|
وقصيده من وحي الحدث بكل اختصار
ملك ملوك افريقيا 00 ! ! ملـك ملـوك أفريقيـا فيـه رجـه والحكم ما ياتـي بضحـك ورجاجـه ثلثين شعبـه داخـل السجـن زجـه والثلث الاخر وسط عنـق الزجاجـه مامن ورا هرج الخبـل غيـر دجـه من أيام صغره فيه حاجه وحاجـه ! يعني افهموها لاخـذا الفكـر سجـه وشلون بالعده ؟ و يعلن زواجـه ؟ ! أعوج ومايل00 تايه الراي 00لجـه لا شك الاعوج ما يشوف اعوجاجـه فـي كـل دار ٍ طبهـا يثيـر عجـه يا ثور حتى الثـور يعمـل عجاجـه بعـض العـرب حكامهـم مستلجـه يـارب تكفينـا شـرور اللجـاجـه ماعاد تقبـل منـك عمـره وحجـه لا تعتـذر عـذرك خبـال وسماجـه والديك لـو ينفـخ بريشـه وفجـه تلقـى مـرد الديـك عنـد الدجاجـه وصقـر العروبـه ماتهـج لمهجـه والذيب مـا يسمـع كـلام النعاجـه من وين ما سافر00 وراح00 وتوجه الخير فالـه والسعـد فـي حجاجـه يـارب فكـه مـن عـدوه ونـجـه يوم الحسد صعبه ويصعـب علاجـه |
|
|
|
|
04-16-2009, 12:28 PM
|
#8 | |
|
شخصية مميزة
|
لم تدع غزه واحداثها المهوله لي مكانا للراحه ورجعت اليكم بهذه القصيده شكر وتقدير لرجال عظماء يستحقون الشكر 00  شهيد القدس الفيصل ال سعود رحمه الله تعالى  شافيز رئيس فنزويلا
بيض الله وجه شافيز ووجه اردوغان = وسود الله وجه صهيون واذيالها
سلمو لي على (صقر انقره ) يوم بان = قال كلمه عريب الساس ما قالها وسلمولي على (شافيز ) نسل الحصان = ليت لو (فنزويلا ) غزه بجالها الأصايل عليها ما يخيب الرهان = والرديات فال الله ولا فالها قلتها يوم شفت الذل وشفت الهوان = يوم غزه تصيح وماهم بحالها اشهد انا على ماقيل باخر زمان = كيف بنت الذين تاكل عيالها ! الخيانه تنـقـّـل من مكان لمكان = عارفه ماعليها 00 وعارفه مالها إجلدو كل خاين 00هاتو الخيزران = لعنبو ذا الوجيه وعمها وخالها يا فلسطين لا عاش الردي الجبان = والمره شالت السيف ورمت شالها ضاق صدري وانا شاعر وسيع البطان = الحريم اصبحت ارجل من رجالها والمره عندها غيره وعز وكيان = ولو تشوف الهوان تعاف رجـّـالها الله اكبر عليكم00 والله المستعان = ياحياة المهانه00 ليه نحيالها ؟ ما تحرر شبر واحد هروج اللسان ! = ودي اسمع سيوف العز واقوالها ياطنا القلب من غزه وقصر اليدان = نامو اطفال مصر 00وسهرو اطفالها انكسر كل سيف وطاح حد السنان = مال امة محمد ياعرب مالها ؟؟ لقمة الزاد ما طابت وضاع الامان = وبسمة الطفل كف الغدر تغتالها غارت الكدش وكحيلان رابض مهان = والجياد الاصيله موتها اشوالها دام الاجداد راعين العلوم السمان ؟ = هالردى منين سادات العرب جالها ؟ ! اذكرو يوم فيصل هان موشي دايان = و(( قولدامائير )) راحت تسحب انعالها ذاك تاريحنا اللي فيه عزه وشان = يوم عصم الشوارب تكرم سبالها انهضو 00 انهضو 00 من قبل فوت الاوان = بنت صهيون منهو يطول فنجالها ؟ |
|
|
|
|
04-16-2009, 12:29 PM
|
#9 | |
|
شخصية مميزة
|
انتشرت هذه الايام قصيده باللغه الفصحى تمتدح ما قام به الصحفي منتظر الزيدي تحت عنوان
اسطورة الحذاء وهي منسوبه للدكتور الشاعر غازي القصيبي 00وبكل صدق القصيده اعجبتني جدا ولكن تفاجأت ان الدكتور غازي نفى ان هذه القصيده له هذا اليوم وعندها قلت هذه القصيده مخاطبا شاعر القصيده الحقيقي 00 ارجو ان تتسع ذائقتكم اخواني لقبولها وهي بعنوان 0000 الخالق الناطق الـخــالــق الــنــاطــق وهــــــذا ولــــــد ذاك الـوجــه نـفــس الــوجــه 00والــــدم دمــــه يـاطـفـل قـلــي واعـتــرف مـنـهــو ابــــاك ؟ والا تـــرانـــا نــنــســب الــطــفــل لامــــــه ماحـلاك فــي ديــرة هــل الشـعـر مـاحـلاك هــــذا يـنـاغــي الـطـفــل وهـــــذا يــزمـــه مــثــل الـقـمــر لا مـــــد نـــــوره لـشــبــاك بـعــثــر ظـــــلام الـبــيــت كــلـــه ولـــمـــه يـاقــبــلــة الله 00 والــحــلايـــا حــــلايــــاك لــكـــن عـيــبــه ضـــــاع خــالـــه وعــمـــه يـلـعــب هــنــا وهــنــاك ويـــــروح لـهــنــاك ويـمـسـح دمـــوع الـعـيـن بـاطــراف كــمــه والـــورد بالبـسـتـان مــــا بــيــن الاشــــواك مــار النـحـل مـــا يـحـسـب حـســاب فـمــه يـاجــار لا تـسـقـي ثـمــر جـــار مـــن مـــاك خــايــف يــنــادي جــــارة الـحـســن يــمــه مـامـداك تنـسـى غــزوة الـعـام مـــا مـــداك ومـــا يـرتـقــي مـكـســور الاقــــدام قــمــه يالـطـيّـب الـغـالـي عـلامــك ؟ ووش جـــاك؟ تــمــدح لــنــا الـريـحــان وتــرجـــع تــذمـــه شـاعــر وعــنــدي ذوق واحــســاس وادراك مــاكــل مـعـنــى يـعـتــرض لــــي اخــمــه وشلون اغطي الشمس في منخل اسلاك ؟ والـلـي ركــب فــوق الـخـطـر وش يـهـمـه ؟ خــبــيــر بـالـبـصــمــات ودورات الافـــــــلاك ومـا رد علـى بيـر ٍ ( ن ) طـوى البـيـن جـمـه مسـكـيـن يالـضـامـي لـيــا صـــار شـــرواك تـخـبــر ســــراب الـقـيــض وتــــروح يــمـــه وشـلـون تـرجـي مــن حـجـر جـامـد احــراك يــــا أمــــة الـعــربــان 00 مـانـتـيــب امـــــه يــــا مـنـتـظـر فــجــرت الاشــعــار بــحــذاك ســـوت لـنــا الـلــي مــــا تـسـويــه قــمــه ودام الــصـــعـــوط ادواك لا تــــكــــره ادواك لازم تــصـــعـــط بــــــــه ولا زم تــشـــمـــه @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:31 PM
|
#10 | |
|
شخصية مميزة
|
 
حلفت بعد اليوم مامدح في قصيدي من يكون =الا الشجاع اللي يدافع عن فلسطين امدحه وسلامة نواظركمدام العرب يمسون في ذل وهوان ويصبحون =الواجب ارجع للقصيد اللي مضالي وامسحه كل يوم سيل الدم يسقي المشمشه والزيزفون = مات البلح بامه وصاح الجذع من موت ابلحه ماكل خلق الله بسوق اهل المراجل يربحون = ومن لا يحسّب للخساره ما يحسّب مربحه دمعة رجل 00 دمعة طفل 00 من كل صنف وكل لون =والثوب يستر راقصه 00 والشيخ بشته يفضحه ما شفتو اللي صار في غزه يامل فضخ العيون ؟؟ ! = والقدس تصرخ 00 والقصور قبور00 والدور أضرحه عذر الدجاجه مالها مخلب ولا تملك سنون ! = مار البلا وش عذر جيش الذل وعذر الاسلحه ؟ ! ظهر الرجل مايكسره غير الطلايب والديون = لا والله اللي يكسرالرجال كثر الدلبحه يوم الهداني مالقى لبضاعته عندي زبون = دمه جمد 00ماعاد ينزف لو بخنجر تذبحه حتى مربين البقر يتمصخرون ويرسمون ! = يكرم نبي الله عن الكفار ويكرم مشلحه ما يردع المجرم شجب فاضي ولا تستنكرون =هجرس مثل سرحان وكب البحبحه والنحنحه واشوف ناس ٍ يحصدون الزرع وهم مايزرعون = والساقط اللي ما درس سبحان منهو نجّحه والصمت ماهو من ذهب00 يا لابتي لا تسكتون = والحر كانه ما كفخ ؟ ماله ومال الأجنحه لايكشخ الحر النداوي بالجناح وبالمتون = مادام حتى فندق البطحا كشخ له باجنحه ! نشكي وقاضي المحكمه يشكي مع اللي يشتكون = تساوت العربان راع الناي وراع المسبحه ! تلقح وتلد حوارها 00 والبدو بدو ويعرفون = مار البلا نوق العرب كل يوم حبلى ولقحه ! هذا وانا شاعر ولد شاعر وغيري لا يهون = ذيب المعاني يعوي برجم القوافي واطرحه فعلا على راي المثل 00 والشعر ضرب من الجنون = وجيوش فكري ممسيات ٍ (ن ) بالعرب ومصبّحه شنقت راس الذل وارسلته إلى قبر المجون = واقمت حفلة شعري الشامخ بقلب المذبحه مامات خالد بالحرايب والضرايب والطعون = سيف الله المسلول خالد مات فوق المطرحه ماجيت ابكتب شعر فاضي في كحيلات الجفون = بالعمر هذا مالي فـ بعض السوالف مصلحه مع العلم ان هذه القصيده قلتها في حين وقوع مذبحة غزه وسبق ان نشرتها في منتدى المرقاب @ الشاعر @ @ عبدالرحمن بن دابس المرخان@ |
|
|
|
|
| مواقع النشر (المفضلة) |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عبدالرزاق الهذيل & موسوعة لاهم الاشعار والقصائد | السيف | ۞ يا ما حلا و الشمس يبدي شعقها ۞ | 12 | 07-22-2011 02:57 AM |
| تساقط الشعر عند الرجال.. علاجات متعددة | العيون الساهرة | ۞ الصحة العامة ۞ | 6 | 10-05-2010 12:55 PM |
| ملف كامل عن اهم الزيوت والاعشاب لشعرك | نسمة أمل | ۞ الصحة العامة ۞ | 3 | 07-21-2009 08:48 PM |
| مجاراة شاعر الجوف وساحر الشعر الشاعر / عبد الرحمن المرخان لقصيدة الشيخ عايض القرني ! | مشاعر إنسان | ۞ يا ما حلا و الشمس يبدي شعقها ۞ | 1 | 06-24-2009 05:00 PM |
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
