المشاركة الأصلية كتبت بواسطة !°° الـ ح ـان ♪ °° ! ما اعتقد حاله حالتين صارت موضه !!! وان شاء الله ماتكون ظاهره . هي سلبيه يتهاون بها الناس اتمنى تزول قبل تصير ظاهره وعن أبي بكر – رضي الله عنه – قال : قال النبي صلى الله عليه و سلم : " ألا أنبئكم بأكبر الكبائر ( ثلاثاً ) ؟ قالوا : بلى يا رسول الله ، قال : الإشراك بالله و عقوق الوالدين و جلس وكان متكئاً فقال : ألا و قول الزور " قال : فما زال يكررها حتى قلنا : ليته سكت " بس بالنسبه للمخدرات اي والله ظاهره مافي شاب يشتغل اي شغله تجبره عالسهر الا وتلاقيه متجه لهالحبوب وحتى العطالين البطالين بعضهم يروح الاردن على انه مريض نفسي ويجيب من هالحبوب ويدخلها عندنا على انها علاج ياشيخ حتى اللي بالسجن مايسلمون منها تتهرب لهم داخل تتوقع من يهربها ؟!!!! حاميها حراميها والله يفكنا من هالسالفه ويهدي هالشباب موفق ...

موضوع قمة ،، يعطيني انطباع مبدئي حول أهل المنطقة

اطلعت على معظم الردود

وكشخص محايد ،،، اعتقد أن ما تم ذكره هي سلوكيات معدودة لا تصل إلى درجة الظاهرة

ولن يتم تأكيد نظريتي إلا بسؤال شخص من المعارف إذا كان عايش بمدينة كبيرة مثل الرياض أو جدة

أنا مثلاً واجهت مبزرة تستخدم أنواع المخدرات المختلفة

أما هنا حتى الآن لم اشاهد سوى ولد يدخن وقلبت عليه ،، وراح ضحية عسيب نخلة


الله يديم النعم على هذه البلدة الطيبة ،،

الظواهر اللي ميزتها رغم قصر الإقامة ( لي ثلاث أسابيع فقط )

١- كثرة السفر للبلدان المجاورة ،،، بدون تفسير نوايا من قبلي ،، سمعت ان البعض يسافر بقصد العلاج وآخرين بقصد السياحة

٢- جميع ما يتعلق بالمرور هنا سيء جداً : التهور في القيادة داخل المدن ، كثرة الملفات والتقاطعات ، المباااالغة في عدد المطبات ( اعتقد لو دخلت قوقل ايرث راح القاه مصنفها كتضاريس جبلية )


مرة أخرى موضوع مبدع ،، الغرض منه تصحيح السلوكيات

كثرة السفر للبلدان المجاورة ،،، بدون تفسير نوايا من قبلي ،، سمعت ان البعض يسافر بقصد العلاج وآخرين بقصد السياحة ) اشاطرك الرأي أن تلك سلبية موجودة في المجتمع بحكم قربها لدول الجوار نتمنى أن يرتفع مستوى وعي المجتمع كي يتجاوز تلك السلبية .

هههههه

أنا عددت الأسباب اللي أنا مقتنع بأنها منطقية

الظروف الصحية أهمية حتى ولو قطعنا المسافات ،،
أنا مثلاً السنة الماضية قدمت لإجراء عملية تصحيح نظر ( تشطيب ) في مستشفى الملك خالد التخصصي بالرياض
بعد الوسائط وحب الخشوم قدرت اعرض نفسي على الطبيب وقالوا لي راح نجري لك العملية
وانتظر مننا اتصال بعد اسبوعين
الكلام هذا شهر ٦ السنة الماضية

والله العظيم اني ما سويتها إلا شهر ٦ هذه السنة ولا أخذت من الوقت نصف ساعة !!؟

هذا تبرير لقناعتي بأن السفر من أجل العلاج ضروري

أما السياحة المعقولة بالعكس أؤيدها وبقوة وخصوصاً في الدول البعيدة ،،

ولو لي اعتراض كان اعترضت على نسيبي اللي كلمني قبل شوي من مدينة انترلاكن بسويسرا !!

أنا اللي استغربته كثرة السفر للدول الشقيقة لأسباب معروفة ،، وأخرى تثير الإستغراب

مثلاً زميل لي يذكر بأنه لا يرتاح إلا إذا سافر في الويك اند سألته وش تسوي بالضبط في السفرية ؟

قال بس كذا استأجر في فندق واطلع مع الشرفة اشم هواء تكفيني وارجع الجمعة !!!!!!!

سألته وعيالك معك ،،، قال لا ،، يا ياوديهم لأهلهم يا يخليهم في البيت !!

طيب اذا صار شيء لا قدر الله من المسؤول ؟

أنا ما عممت ،، لكن واجهت شخص آخر من مدينة مجاورة وذكر ذلك بصيغة مشابهة

اتمنى أن تكون الصورة واضحة