لحيتهم طويله , مايسمعون اغاني , ومايختلطون بالحريم وكـفار

لحيتهم طويله , مايسمعون اغاني , ومايختلطون بالحريم وكـفار

اول شي قبل لا احكي عن هلاشخاص مين وعن حياتهم كيف

بحكي لكم كيف تسأسسو بالاساس ...

يقولون ان فيه ناس ينحدرون من طائفه نصرانيه تأسست من حركات نصرانيه بالعصور الوسطى

سموها المسيحين الجدد "الآنا بابتيست"

• حركة الآنا بابتيست أو المسيحيون الجدد يطبقون كل شي بالانجيل بحذافيره .. يعني هم نصارى سلفيون !

بعد ظهورهم.. كفرتهم طوائف الكاثوليك والبروتستانت وحكمو عليهم بالاعدام وفعلاً اعدمو كثير منهم

عشان كذا انحاشو عشان يحافظون على دينهم

اول نحشه لهم كانت بجبال سويسرا وجبال جنوب المانيا

بعدين الى أمريكا >>هنا الصدمه بعدين بتعرفون ليه انصدمت كملو وتعرفون

وسكنو تحديدا في بنسلفينيا

في احد السنين وعلى يد قسيس كاثوليكي اسمه مينو سايمنز تأسست حركة المينونايت وهي اللي وحدت حركة الآنابابتيست

بعد كذا أسس قس نصراني إسمه يعقوب عمًّان "جيكوب عمان" طائفة الآميش وانفصلت فيما بعد عن المينونايت

الحين ببدى احكي لكم عن هالطائفه (طائفة الاميش )

وعن حياتهم وكيف عايشينها

قبل كل شي ابي اعلمكم ان هالطائفه لا يؤمنون بأي نوع من انواع التغيير ..

يعني اي تطور او اي شي جديد حتى لو كان مفيد يرفضونه ..

لدرجة نور ماعندهم كهرباء ولا حتى تي في >>يارب استغفر الله كيف عايشين

وحتى ما يستخدمون الفلوس الا في الحالات الضروريه حسب ماقريته

والمصيبه الاعظم ماعندهم سيارات ابدن ولا يستخدمونها يعني لابغو يرحون لاي مكان

يا يدقونها كعابي ولا العربه الي تنجر بحصان >>الله لايحدنا يارب

مثل ذي

كل هذا الشي الي مايستخدمونه فوق عندهم حرام استخدامها

وازيدكم من الشعر بيت عندهم مجلس "فتوى" يطلق عليه "أولد أوردر" وهم مجموعة من كبار السن المتدينين "المشايخ" استغفر الله يدرسون أي طاريء ويصدرون فتوىحسب مايشوفونه مطابق لتعاليم الإنجيل واللي هم يسمونه "الأوردينان" وهي تعاليم إنجيلية تتبع بحذافيرها ..

ومشايخهم مع هالتطور الي نعيشه اجبرهم انهم يحللون ركوب السياره

وحللوها بس للضروره واهم شي مو هو الي يسوقها ..!!!

وغير كذا مايدخلون عيالهم للمدارس >> ودي اتسلفهم بهالشي بس

وبكذا اصدرت الحكومه عندهم قرار يعفي هالطائفه من التدريس الالزامي .. ( يعني كيفهم يدخلونهم ولا لا ماهوب غصب

لان حسب الي فهمته بامريكا عندهم اجباري تدريس الاطفال ولا يسحبون الاطفال من اهاليهم

على اساس انهم ماهوب كفو بزارين )

فـ هالاميش اسسو مدرسه خاصه فيهم ويدرسون بزارينهم الى صف الثامن بعدين يعفونهم من التعليم الالزامي

وعدد اطفالهم من 8 الى 10 >> ياكثرهم بعد

واذا وصل عمر عيالهم لـ 18 سنه يرسلونهم للعالم الخارجي يعني برا القريه او المكان الي هم فيه

لمدة 3 سنين والي يبي يرجع بعد هالثلاث سنين ولا يقعد كيفه ..

الغريب بالموضوع ان الي مايرجعون تقريبا نسبتهم 10 او 15 % , يعني النسبه الكبيره

يفضلون حياة الشقا حياة اجدادهم واهاليهم ويرجعون للقريه ..

وبالرغم من انهم عايشين في امريكا الا ان الى الان لغتهمهي الديتش Deitsch وهي لهجة ألمانية

يعني مايحكون انقلش !!

الاغرب بالموضوع انهم جدن متعاونين مع بعض

يعني لا احترق بيت او حضيرة احد منهم الجميع يشارك يبنون له بيت او حضيره جديده

(( الله يخلف على حالنا يالمسلمين هذا وهم كفار وقلوبهم على بعض وحنا عسانا نذكر بعض اونسلم على بعض

والا اذا لارحنا عزيمه ولا اي شي قمنا نتصدد ولا نحتري فلانه تجي هي الي تسلم ))

ومن المحضورات والمحرمات عندهم التصوير !!

ايه حرام عندهم التصوير ..!!

عندهم فتوى من الإنجيل تحرم التصوير !!

وحتى الباربي حقتهم ممحي وجهها

زي ذي

وبرضو محرمين الموسيقى والمعازف

و مايستخدمون الجوالات ولا اي وسيله من وسائل الاتصال

تبرعت الحكومه عندهم وبنت برا بيوتهم زي الاكواخ فيها تلفونات عشان اي طارئ ضروي يصير لهم

ايــــــــــــه صح نســيت اهم حاااجــه

تخيــــــــــلوووووو


ماعندهم حمامات ببيوتهم ( وانتو بكرامه ) اذا بغو الحمام
يروحون للهواء الطلق

الحين لارحنا المخيم اهم شي قبل لا ناجره يكون فيه حمام
ومو اي حمام ضروري حمام نظيف
وذولا موسعين الصدر



وبرضو عند الاميش التبديع والهجر (Shunning)
هذا الشي معناته انو الي مايتبع طريقتهم هم مبتدعه ويهجرونه
ويحرم على الاميش يتعاملون معه .. لدرجة انو اذا كان متزوج يحرم على زوجته تقربه او تكلمه !!


الجماعه ذي مايشربون الكحول ولا يؤمنون بالمعاشره قبل الزواج
وحنا يالمسلمين ماكسب الا البحرين والمغرب ..الخ من هالحواق الا عيالنا


والاغرب بعد انهم مايسمحون للحرمه تسوق العربه حقتهم
يعني تخيلو لو وحده زوجها مو عندها وتبي تروح لمكان لازم يكون معها محرم
ولا حريم كبار يعني ماتروح لحالها

وبرضو قد حكت عنهم اوبرا باحد حلقاتها وزارتهم
وانصدمت ان عندهم تعدد الزوجات !!

الحين نبدى بكيف تكون اشكالهم وطريقة لبسهم

رجالهم يحلقون شنبهم ويطولون لحاهم
وذا واحد منهم


وحريمهم يلبسون ملابس واسعه وطويله وبرضو باكمام طويله ويغطون شعورهم
والي تغطي راسها يغطا ابيض يعني متزوجه
والي تغطيه باسود يعني عانس

وذولي من حريمهم الي عاليمين عانس الله يرزقها والي عاليسار معرسه



الي مجنني انهم بأمريكا قمة الحضاره والتقدم وفوق ذا ما تاثرو والى الان متمسكين بكل شي

والي حزني اكثر شوفو حالنا كـ مسلمين وهم

زي مثلا حنا بس من تتعدا الحدود شوف السعوديات كيف

كانها جالسه تلبس العبايه مو عباده لرب العالمين وامر منه لا

فقط كـ عاده ارغمها مجتمعها عليها

وهم هالطائفه كل شي عندهم من مغريات وتفتح بالدوله الي هم فيها وولا حركت شعره فيهم من قناعاتهم وعبادتهم

وغير كذا روح التعاون بينهم والرابط الي يربطهم ببعض شي عجيب

اما حنا يالمسلمين علينا السلام


وفوق ذا الدوله معطيتهم جوهم بقوه !!

وين السعي لتحرير المراه ؟!!
ولا جيدين علينا بس
وحنا يالدبش مع الخيل ياشقرا

ذكرت روبوتاج باحد البرامج الاجنبيه كان يحكي عننا

وعن المرأه بالسعوديه وكيف انهم راحمينا ومصورينا بمنظر بشع
وانو احنا مهمشات ..الخ من هالحكي

وطيب هالي عندكم وبدولتكم وين راحو ؟!!

بجد حاجه تجنن


وعلى فكره مايختلطون حريمهم مع رجالهم

المصدر: منتديات دومة الجندل

---

gpdjil ',dgi < lhdslu,k hyhkd ,lhdojg',k fhgpvdl ,;Jthv

موضوع رائع
تسلم يمناك على النقل

موفق بإذن الله ... لك مني أجمل تحية .

الحمد لله
شـكــ وبارك الله فيك ـــرا لك ... لك مني أجمل تحية .

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..
تقبل مروري


لكـ خالص احترامي

بكل معاني الاعجاب اسجل اسمي

بين ما نثره قلمك

وما ابدعه شخصكِ

مشكوور عالنقل موفق بإذن الله ... لك مني أجمل تحية .

نعم شاهدت برنامج عن اناس مثلهم لا اعلم ان كانوا هم نفسهم
وهم يتزوجون عدد كبير من النساء قد يصل الى 10 او اكثر
والاخوة والاخوات يتم فصلهم عن بعضهم كما يتم فصل الابناء عن الامهات في سن مبكر وهم صغار
حتى لا يتعلق بأمه ويتربى بشكل اكثر مسئوليه
كما يمكن ان يتزوج كبير بالسن بفتاه صغيره جدا
واذا مراهق نظر الى فتاه عوقب اشد العقاب وقد يطرد

يعطيك العافيه وبوركت جهودك
والله يهديهم الى دين الحق ويهدي المسلمين اجمعين

ذوولاا كيف عايشين
عاادات غريب

مشكووور