اول شي قبل لا احكي عن هلاشخاص مين وعن حياتهم كيف

بحكي لكم كيف تسأسسو بالاساس ...

يقولون ان فيه ناس ينحدرون من طائفه نصرانيه تأسست من حركات نصرانيه بالعصور الوسطى

سموها المسيحين الجدد "الآنا بابتيست"

بعد ظهورهم.. كفرتهم طوائف الكاثوليك والبروتستانت وحكمو عليهم بالاعدام وفعلاً اعدمو كثير منهم

عشان كذا انحاشو عشان يحافظون على دينهم

اول نحشه لهم كانت بجبال سويسرا وجبال جنوب المانيا

بعدين الى أمريكا >>هنا الصدمه بعدين بتعرفون ليه انصدمت كملو وتعرفون

وسكنو تحديدا في بنسلفينيا

في احد السنين وعلى يد قسيس كاثوليكي اسمه مينو سايمنز تأسست حركة المينونايت وهي اللي وحدت حركة الآنابابتيست

بعد كذا أسس قس نصراني إسمه يعقوب عمًّان "جيكوب عمان" طائفة الآميش وانفصلت فيما بعد عن المينونايت

الحين ببدى احكي لكم عن هالطائفه (طائفة الاميش )

وعن حياتهم وكيف عايشينها

قبل كل شي ابي اعلمكم ان هالطائفه لا يؤمنون بأي نوع من انواع التغيير ..

يعني اي تطور او اي شي جديد حتى لو كان مفيد يرفضونه ..

لدرجة نور ماعندهم كهرباء ولا حتى تي في >>يارب استغفر الله كيف عايشين

وحتى ما يستخدمون الفلوس الا في الحالات الضروريه حسب ماقريته

والمصيبه الاعظم ماعندهم سيارات ابدن ولا يستخدمونها يعني لابغو يرحون لاي مكان

يا يدقونها كعابي ولا العربه الي تنجر بحصان >>الله لايحدنا يارب

مثل ذي

كل هذا الشي الي مايستخدمونه فوق عندهم حرام استخدامها

وازيدكم من الشعر بيت عندهم مجلس "فتوى" يطلق عليه "أولد أوردر" وهم مجموعة من كبار السن المتدينين "المشايخ" استغفر الله يدرسون أي طاريء ويصدرون فتوىحسب مايشوفونه مطابق لتعاليم الإنجيل واللي هم يسمونه "الأوردينان" وهي تعاليم إنجيلية تتبع بحذافيرها ..

ومشايخهم مع هالتطور الي نعيشه اجبرهم انهم يحللون ركوب السياره

وحللوها بس للضروره واهم شي مو هو الي يسوقها ..!!!

وغير كذا مايدخلون عيالهم للمدارس >> ودي اتسلفهم بهالشي بس

وبكذا اصدرت الحكومه عندهم قرار يعفي هالطائفه من التدريس الالزامي .. ( يعني كيفهم يدخلونهم ولا لا ماهوب غصب

لان حسب الي فهمته بامريكا عندهم اجباري تدريس الاطفال ولا يسحبون الاطفال من اهاليهم

على اساس انهم ماهوب كفو بزارين )

فـ هالاميش اسسو مدرسه خاصه فيهم ويدرسون بزارينهم الى صف الثامن بعدين يعفونهم من التعليم الالزامي

وعدد اطفالهم من 8 الى 10 >> ياكثرهم بعد

واذا وصل عمر عيالهم لـ 18 سنه يرسلونهم للعالم الخارجي يعني برا القريه او المكان الي هم فيه

لمدة 3 سنين والي يبي يرجع بعد هالثلاث سنين ولا يقعد كيفه ..

الغريب بالموضوع ان الي مايرجعون تقريبا نسبتهم 10 او 15 % , يعني النسبه الكبيره

يفضلون حياة الشقا حياة اجدادهم واهاليهم ويرجعون للقريه ..

وبالرغم من انهم عايشين في امريكا الا ان الى الان لغتهمهي الديتش Deitsch وهي لهجة ألمانية

يعني مايحكون انقلش !!

الاغرب بالموضوع انهم جدن متعاونين مع بعض

يعني لا احترق بيت او حضيرة احد منهم الجميع يشارك يبنون له بيت او حضيره جديده

(( الله يخلف على حالنا يالمسلمين هذا وهم كفار وقلوبهم على بعض وحنا عسانا نذكر بعض اونسلم على بعض

والا اذا لارحنا عزيمه ولا اي شي قمنا نتصدد ولا نحتري فلانه تجي هي الي تسلم ))

ومن المحضورات والمحرمات عندهم التصوير !!

ايه حرام عندهم التصوير ..!!

عندهم فتوى من الإنجيل تحرم التصوير !!

وحتى الباربي حقتهم ممحي وجهها

زي ذي

وبرضو محرمين الموسيقى والمعازف

و مايستخدمون الجوالات ولا اي وسيله من وسائل الاتصال

تبرعت الحكومه عندهم وبنت برا بيوتهم زي الاكواخ فيها تلفونات عشان اي طارئ ضروي يصير لهم