آخر 10 مواضيع
|
|
|||||||
|
|||||||||||||
|
|
||||||||||||
| ۞ يا ما حلا و الشمس يبدي شعقها ۞ شعراء محافظة دومة الجندل وابداعاتهم الشعرية |
 |
|
|
|
|
أدوات الموضوع | انواع عرض الموضوع |
04-16-2009, 12:31 PM
|
#11 | |
|
شخصية مميزة
|
محاوره بين علي بن حمري وعبدالرحمن المرخان
بسم الله الرحمن الرحيم والصلاة على خير خلقه محمد صلى الله عليه وسلم السلام عليكم ورحمة الله وبركاته اخواني الكرام واخص الشعار وبالذات بالجوف ’’ منطقتنا الغاليه ’’ اضع بين يديكم محاورتي مع الشاعر القدير علي بن حمري القحطاني وهي المحاوره الثانيه وتمتاز بالتحدي بكل صراحه واحببت ان اضعها هنا للاطلاع عليها والاهم للاستفاده منها وانا شخصيا احب ان اسس لما يسمى ’’ شعر القلطه ’’ بالجوف بالتعاون مع باقي الشعار لان شعر القلطه او ما يسمى بال الرديه يمتاز بصقل وابراز موهبة الشاعر بشكل رائع ومفيد وسوف اضع ايضا هنا ان شالله محاورة والدي ا الشهيره بالصوت ’’بصوتي انا طبعا ملحنه ’’ مع صاحب السمو الملكي ولي العهد شفاه الله لان المحاوره قديمه عمرها يمكن اكثر من اربعين سنه وهذا تنسيق المحاوره ابن حمري يقول : نادولي المرخان والمرخـان شاعرفـى الحـدود واللـي علـى الحـدود لامذنـب ولا والله بـري لو ألتفـت لـك ياعبيّـد مـت حـي وكلّـك دود وان مت ما كش اشعري وان عشت ماكش اشعري ردي على ابن حمري جيتك على وضح النقا شاهد ولا عندك شهود يامتهم والمحكمـه تعـدل ولا هـي تفتـري على حدود المملكه ماعشت في وسط النفـود واليا دخلت السوق ابيعك يابن حمري واشتري رد ابن حمري وضح النقاء ولاّ على غيره رصاصك في حيود لو لا الحرامي فى البلد ماكان شفنا العسكـري تبغى تسوي جبهتن لك في التحدي والصمـود وانته من اول دقشتن فى الجنب مفريٍ فـري ردي على ابن حمري مزن الحيا يروي الضما واحيان يقصف بالرعود يا ضاميه هل المطر يوم استغثتـي واصبـري لا تجمع الضدين وانت اليوم من بين الضـدود وانا اخبرك نوب ٍ ضعيف الباس واحيانا جري رد ابن حمري ياضيفنا لو الذياب السحم تفتـرس الاسـود يمديك تاكلنا ..لاشك العقل في ذي عنصري مرخان جدك غير عن مرخان جد ابن سعود جدك من العربان والاخر حروفه من زري ردي على ابن حمري اسرع بردك يا رجل لا عاد تبطي بالردود عامل مثل عنتر على الشعار ومانت بعنتري جدي سمي ملوكنا يوم انت تنقص ما تزود وشلون لو جدك من العتبـان والا شمـري رد ابن حمري الطرد في مقفي خطا وتجاهل النعمـه جحـود وطالع بيوتك وانت تدري إنك بعد غصنن طري من لا رفعه الله ماترفعه الاسامـي والجـدود كم سرسري خلف كفو وكم كفو خلّف سرسري ردي على ابن حمري مقارنه يمكن تجي من فـوق راسـك ياربـود ومن واق في جيبه يشوف العيب لو عقله صري لو كل حاسد بط في عينيه ابن مرخـان عـود ماعاد نلقـى بالوطـأ عيـدان والتاجـر ثـري رد ابن حمري انا لاجيت اقلِّبك لا انت بجمـل ولاقعـود راسك مثل راس النعيمي والمقفّى بربـري ترى النداوي مابه إلا الموت واقبور ولحود لكّن فرق بين كلمة بنشـري وبـن شـري ردي على ابن حمري لا بد ما يطلع على التختور مسمار وعمـود ذي سنة الدنيا واشوفك للمصايـب تحتـري العمله الصعبه ذهب يامزيفة بعض النقـود هات الجزيله واترك الهزلات وكب الثرثري رد ابن حمري ان شفتني مريت ولاّجيـت روح ولا تعـود هنا ماتمشي عندنا فتـوى شيـوخ الازهـري انا ليا طوّلتها ويـاك جـاء صـدرك لهـود ويمكن يجي لك فقر في دمك وضغط وسكري ردي على ابن حمري تحمد الله يا ولد علـى العوافـي والركـود ياطفل انبوب الشعر والجرح نوعه قيصري الدين دين الله وانا ماجيـت مكـه باليهـود ومهدي ولد قحطان في مكه ذكرها المخبري والان يابن حمري دامك ما رديت واعطيت خبر بانتهاء المحاوره استلم بيت ابن مرخان حتى تعرف وتتعلم سلوم المحاوره صح ثاني مره دقيت سلف الملعبه واليوم يـا زيـن الخـدود دقيت راسك واندمر مظهرك وشامخ مظهـري اعصابك اعصابك اخاف تخور ويطلع بك نهود وش كبرها لا قيل ابن حمري تـراه البنـدري |
|
|
|
04-16-2009, 12:32 PM
|
#12 | |
|
شخصية مميزة
|
ومادام الغزل ملح القصيد اليكم هذه القصيده استمرارا للتواصل معكم 00ولكم كل الموده والتقدير
ما يجيـب الـراس غيـر البنـت لا لـدت نظرهـا تشعل حروب البسـوس وتلبـس السلـم ووسامـه كان في عصر الجهالـه قاصـر الشوفـه قبرهـا لا تـزال البنـت تقبـر قيـس وتعـزي عمـامـه ضعفهـا قـوه غريبـه والنظـر قمـة خطـرهـا تنفـرد بالشيـخ وترسـم دورة الحكـم ونظـامـه والبطن سبحان ربـي تقـل لاصـق فـي ظهرهـا والخـدود خـدود لكـن ورد جـوري فـي مدامـه ويش اباخذ ويش اخلي ؟ من هدبها من شعرهـا ؟ من ظلال الرمش فوق الخد وفـوق الخـد شامـه دام ماعنـدي مرايـه بـا تمـرى فـي نحـرهـا لابس عمامه وراسـي طـش ابـو جـد العمامـه والرجل يعشق ويهوى قبـل مـا ييبـس خضرهـا والجمل لو شفت كبره طفـل جـره مـن خطامـه! قالوا ان الثقل صنعـه 00قالهـا اللـي ماخبرهـا فاتنه بنـت الذيـن 00 تطلـق المـوت وسهامـه قالت احذر من صيامـك تجرحـه والـزم حذرهـا يابعـد روحـي وربـي عاشقـك ذابـح صيـامـه وش حياة الكـف كـان الكـف ماتقطـف زهرهـا والغشيم يعيـش وضاعـت رزقتـه راع الفهامـه والطفـل لاعـا ف لعبـه دابلـه تسبـده كسرهـا القلم مرفوع نـام الليـل00 والا 00 ّمـا ينامـه والغـلا بـذره 00وربـي وسـط خفاقـي بذرهـا وش لميس ؟ وويش يحيا ؟ وش مهند وش غرامه ؟ ما جذبها كل شعري00 كيف شعري ما سحرهـا ؟ يوم انا الي ذقـت سحـره فـي سلامـه وبكلامـه لعنبو ها الوقـت ظالـم حطـم عظامـي كسرهـا كسر الله قلب هـذا الوقـت وحطـم لـه عظامـه ما ترك حفـره بقلبـي فـي يمينـه مـا حفرهـا مـا تـرك ونـه بصـدري ليـن قومهـا قيامـه مـا تـرك دمعـه بعينـي شامخـه حتـى نثرهـا ما ترك قلعـه شموخـي ليـن حطمهـا حطامـه ما ترك بالصدر فرحـة عمـر بيـده مـا دمرهـا ما ترك با الفم بسمه00مـا تـرك للـراس هامـه ما تـرك لـي ورده الا جـاب يـا عالـم خبرهـا ماتـرك بالجفـن نـوم الا وطيـرلـي حمـامـه ما ترك با القلـب نـار ٍ ( ن ) طافيـه الا سعرهـا ما تـرك للحلـم شعـره00 ماتـرك للعـز قامـه يا حبيب القلب يكفي 00خايف أغرق فـي بحرهـا والبلا انـي مندفـع بالحيـل وتدفعنـي الشهامـه ارمـي بقلبـي وراهـا والحـق انفاسـي بثرهـا يخرب الحب وزمانه 00 يقطـع العشـق وهيامـه يقطـع سنيـن المـوده والمحبـه مـع شهرهـا وش علام الوقت ضدي دوم ضـدي وش علامـه؟ ما ترك لي عيـن نامـت غيـر وردهـا سهرهـا ما تـرك وضـح الليالـي ليـن بدلهـن جهامـه ما كتبت أجمل قصيـدي فيـك ودموعـي مهرهـا كيف ؟ وانت الحسن كله جـاك خاضـع باحترامـه كيف وانت ألوان طيفك في بياضـك مـع حمرهـا كيف وانت الشامـخ الـي قاصـره دونـك تهامـه كيف وانت الكوكب اللي يقهـر الشمـس وقمرهـا كيف وانت الشمعه اللـي تشعـل الليـل وظلامـه كيف وانت الغيمـه اللـي بلـل عروقـي مطرهـا يـا سـلام الله علـى حبـك ذبحنـي يـا سلامـه ذا جزاء اللي مد رجلـه عـن هواهـن ماقصرهـا والرجـل لوهـو تحيـزم للصبـر فكـن حزامـه @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:34 PM
|
#13 | |
|
شخصية مميزة
|
( كلمة الحق )
لـو كلمـة الحـق ارتمـت فـي فـم عيّـل قالـهـا يا ليت اجل بعض العرب عيّـل ومـن عـرض العيـال عجـزت أعـدل ميلهـا وارخـي واشــد حبالـهـا دام السفينه بالبحـر؟ وش جابهـا فـوق الرمـال ! ؟ مالـي ومــال المايـلـه.. وقصـارهـا وطوالـهـا مادمت اصلـي وش علـى لاذن جحـا والا بـلال ؟ ! ومرايتـي تضحـك علـي كلـمـا وقـفـت قبالـهـا صارت شمالـي عندهـا يمنـاي ويمنـاي الشمـال ! مانـي ولـد عـم ٍ لهـا .. والخـال ماهـو خالـهـا من كوكب آخر مـا درى بالشمـس والمـاء والظـلال وحـده مهـي متربيـه . . ! صعبـه تربـي عيالهـا والناقه الجربا اتهبا .. ! ما تخـاوي فحـول الجمـال ! والمهـره الصفـرا تحـب أطلـق شـنـب يبرالـهـا جاهـا علـى وضـح النقـا .. كـامـل ولله الكـمـال والسلعـه الجـزلـه حسبـنـا حسابـهـا وريالـهـا وبعض العرب تسوى وبعض الناس ما يسوى ريـال ! ماكـل منهـو قـال ابــي روس المعـالـي نالـهـا الطايلـه صعبـة منـال . . ووصلهـا صعـب المنـال وانـا عرفـت النـاس واعـرف طبعهـا واشكالـهـا ومع كل هذا صورتـي تطـرح علـي ميـة سـؤال ! مـع كـل خطـوه رحلتـي مـن فـوق شـم جبالهـا والذيب ما يركض عبث ! وشلون أجل ركض الرجال ؟ ! مهمـا الـدروب تسكـرت امشـي بهـا واسعالـهـا لـو القـدم تقصـر تحلـق همتـي فــوق الخـيـال يسعـد صبـاح المرجلـه لـو مـا فضيـت افضالهـا يسعـد مسـاء قصيدتـي آيـه مـن آيـات الجـمـال أعيـش لجـل المرجلـه .. وامـوت انـا واحيالـهـا يوم الردي يلبس علـى ثـوب الـردا بشـت وعقـال أخـاوي كبـار البلـد . . وازرع أمــل لاطفالـهـا انـا وقصيـدي كلنـا .. فـدوه لوافـيـن الخـصـال والحـرب لا شبـت يسـجـل نصـرهـا لابطالـهـا وكم واحدن اصبح ( بطل قومي ) بلا حـرب و قتـال ! والجنـدي المجهـول لـو دمـه جــرى برمالـهـا ماسجله تاريـخ ومـا يكتـب عـن الجنـدي مقـال ! كـل المبـادي تغيـرت ! مـال الشـريـف ومالـهـا ماعـاد نلقـى فـي زمـان العولمـه لقمـة حـلال ! دنـيـا عجـزنـا لا نـعـرف اقفايـهـا ومقبالـهـا وصار احتلال ( امريكيا ) لبغـداد ماهـو باحتـلال ! ! ( ياكليـب ) هـون لا تشـب النـار وكـب دلالـهـا مادام حتى ( مـا نـي بقايـل ) غـدى راعـي دلال ! وكلـن ( مصـوت بالعشـاء) ! الله يكـثـر مالـهـا وين العشاء ؟ يوم المجاعـه نابهـا فـي كـل جـال ! سكـة قطـو ؟ والا قطـار.. الله يـزيـن حالـهـا ! مشكور يـا حـزم الذهـب جالـك مـع العالـم مجـال فـي ناظـري دمعـة قهـر.. عيـن العـدو عقبالهـا فـي مهجتـي حسـرة يتيـم ٍ لا عمـام ولا خــوال الارض معـذوره لــو انـهـا زلـزلـت زلزالـهـا والشمس لـو تشـرق مـن المغـرب وتهتـز الجبـال وشلون أجل لا قامـت الساعـه وكيـف اهوالهـا ؟ ! كـل البشـر سواسيـه اقصارهـا مثـل الـطـوال ! حلو اختلاف الـراي حسـب اهـل القـرى واحوالهـا مار المصيبه لا ختلـف جاريـن فـي رؤيـة هـلال ! يـا فرحـة ٍ ماتـت قبـل كــف الـغـدر تغتالـهـا بالعالـم الثالـث نمـوت امـا قهـر والا اغتـيـال ! ضاعـت صناديـق الصـدور الغامـضـه باقفالـهـا واصبح سقوط الطائـرة لاسبابـه الفيـن احتمـال !!! @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:35 PM
|
#14 | |
|
شخصية مميزة
|
بسم الله الرحمن الرحيم
آخر قصيده كتبتها عن احداث غزه والغضب هو كل ما نملكه والدعاء للمظلومين في فلسطين 00قبل ان اتوقف عن الكتابه لفتره قادمه ان شالله ولكم الحب والتقدير توي دريت ان العرب مابهم خير !! توي دريت ان العرب مابهـم خيـر كوره وفن 00وغيرهـا يفتـح الله وحتى الكره فيها هزايـم وتقصيـر وصارت اغانيهـم كريهـه مملـه عند المراقص والغنـا والمزاميـر هـذا يمـد الحبـل وهـذا يتـلـه صبرى وشاتيلا ومن قبلهـا الديـر وصمة خـزي بوجيهنـا مستهلـه يامن عليهم دارت الكـاس تدويـر غزه تصحي سكـرة الكـون كلـه وخيولنا مـا ظنهـا تقـدر تغيـر وخيالهـا خايـف يناظـر لظـلـه والدين مابه عسـر كلـه تياسيـر صل العصر وان نمت بالنوم صله !! متى تهد الطير ؟ يا راعـي الطيـر الطير مات من القهر فـي محلـه طمعتك تفتك بالحجل والعصافير ! ؟ عزمك حديد ومحزمـك مـا تحلـه والبوم ركب لـه جنـاح ومناقيـر والحر الاشقر فيـه مليـون علـه ماعـاد باقـي للمسالـم معاذيـر الدم فايـر والحشـا فـوق ملـه اما نجي للقـدس صـف وطوابيـر والا بـلاش مـن الحيـاه المذلـه العذر ما يشبع بطـون الخطاطيـر والسيف ما يشفي من الغمد غلـه وشلون نغزي والسبايـا مكاسيـر والمنهزم نوم الضحى جايـزن لـه يا قدس لا ترجين فزعـة خواويـر السيف يبكي مالقـى مـن يسلـه يا منادي الطرمان في قاعة البيـر بحيت صوتك 00 لا تناديـه خلـه هذي شهادة حـق ماهـي بتزويـر والخوف ماله دين ومذهـب وملـه @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:40 PM
|
#15 | |
|
شخصية مميزة
|
خذها على وجهك
  ليس هناك منظر يشفي غليل من شهد شنق صدام حسين رحمه الله في يوم النحر الا منظر بوش وهو يقذف بالجزمه اعزكم الله في ايام النحر ! خذها على وجهك والاخرى على الراس حـاضـر بحـاضـر كـــاش مـاهـيـب ديـنــا مـاكـل مــره يــا غـبـي تـربـح الـكــاس اصـبـر عـلـى مـاجـاك طـــول السنـيـنـا علـيـك يضـرسـن الـحـرايـر بـالاضــراس وطـالـت يديـهـن يـــوم قـصــرت يـديـنـا علـى المنصـه صـار حـايـس ومحـتـاس رفـــــلا وخـبـزتـهــا كـلـتـهــا عـجـيــنــا رشقـه تزيـل الغـل عــن كــل مقـبـاس رئـيــس شـعـبــه صــافــح الجزمـتـيـنـا مـن يــد ماعدمـهـا مـثـل يــد جـسـاس هـــذي يـســار وذيـــك جـتـلـك يـمـيـنـا وباكر (باتسر ) بحول الله تحول وتنـداس وخـالــد نـهــار الــكــون فـعـلــه يـبـيـنـا هـذا تـرى قـدرك مــع الخـلـق والـنـاس تـحـت الـكـنـادر 00 يـكــرم السامعـيـنـا ماعـاد لــك فــي دار الاحــرار مـجـلاس لــو فـيـك دم وتسـتـحـي مـــا تجـيـنـا ! بـرج التجـاره طــاح مــع بـنـك الافــلاس ودارت عـلـيـك مـــن الـسـمـاء كاتـريـنـا هاذيـك رشقـه هـدت الـراس والسـاس سـبـحـان ربـــي واصـبـحـت رشقتـيـنـا وش جابـك لبغـداد يـا نسـل الانـجـاس؟ قـبـلـك هـولاكــو طـــاح مـالــه عـويـنـا وش جاي تنشد عنه يا وجه الاتعاس ؟ ! ( والشين شيـن وماكـر الشيـن شينـا ) اخــزاك ربــي بـيــن مـوكــب وحـــراس للبيـت الابيـض عــدت مكـسـور عيـنـا ! ولسـان حـالـك وانــت كــاذب ومـنـداس (يالـيـتـنـا مــــن حـجــنــا سـالـمـيـنـا ) صـوت المـأذن ارتـفـع فــوق الاجــراس الله اكـــبــــر هــــــــزت الـخـافـقـيــنــا وعقـبـال مــا يـضـرب بـهـا كــل بـــلاس ويـفــرح لـهــا قـلــب الـجـريـح الحـزيـنـا تسلم يميـن اللـي كسـب كـل نومـاس مـمــرور تـسـبــد وفــــرّح المسلـمـيـنـا @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:40 PM
|
#16 | |
|
شخصية مميزة
|
صلو على النبي 00
من وحي الحدث 00استلمو ما ورى لعّـان ابـو بكـر وبنتـه فايـده كيف مؤمن يطعن بعرض أم المؤمنيـن !! مشـرط الجـراح لازم يـقـص الـزايـده لجل يرتاح الجسد من يسـار ومـن يميـن يالخمينـي 00 لا تجـي للعلـوم الكايـده العلـوم الكايـده دونهـا العلـم اليقـيـن ما نصافح نسل ( أبـو لؤلـؤه ) ونعايـده من نبـي الله يبـي ياخـذ بثـار الحسيـن اتخـذ بالقـدس بيـع وشـرى ومـزايـده وان بغيت الصدق ماله بها مذهـب وديـن المواقف وجها ً لوجه 00 مهـي محايـده دولة البحرين من دونهـا الحبـل المتيـن دولـة البحريـن ماهـي لفـارس عايـده من زمان آدم وهي يعربيـه وانـت ويـن قهوة الخاين علـى طـول قهـوه صايـده يمسـي بنيـه ويصبـح عليـك بنيتـيـن دولة الفرس اصبحت حلـم ودولـه بايـده نار كسرى طافيـه واسعروهـا الحاقديـن شعبنـا واحـد ولا يـوم يعصـي قـايـده اتخـذ قبلـه ولا يتـخـذ لــه قبلتـيـن ماخذبنا مـن ورى القـرض نسبـة فايـده دافعين العمر بالكـاش مـا ندفعـه ديـن ما تزيل النجس مـن ثـوب حفنـة تايـده مؤمنيـن بربنـا وبالمقـابـر كافـريـن ذاك مسجدكم ؟ وانا احسبه اوبـرا عايـده ساجدين 00 استغفر الله 00 لا والله زاحفين جينـة الفاسـد علـى كـل جينـه سايـده من يقول آدم بيسجد له ابليس اللعيـن ! ؟ وسلامتكم 00 @ الشاعر @ @ عبدالرحمن بن دابس المرخان@ أبو لؤلؤه = هو قاتل سيدنا عمر بن الخطاب رضي الله عنه وهو مجوسي فارسي وله مزار في ايران حتى اليوم يزار تقديسا له جينه = الجين الذي ينقل الصفات الوراثيه من انسان لاخر أوبرا عايده = دار عرض مسرحي وموسيقي في مصر |
|
|
|
|
04-16-2009, 12:41 PM
|
#17 | |
|
شخصية مميزة
|
المرخان : الغزل ملح القصيد
أمسية شعرية للشاعر عبدالرحمن المرخان في مهرجان الزيتون  المرخان أثناء الأمسية  جانب من جمهور الأمسية  الخليفة يكرم المرخان نهاية الأمسية نظم مهرجان الزيتون الأول بالجوف أمسية شعرية للشاعر عبدالرحمن مرخان الدابس في مركز الأمير عبدالإله الحضاري بمدينة سكاكا . وأدار الأمسية الأستاذ حسين الخليفة الذي عرف بالشاعر فيه بداية الأمسية موضحا أنه من بيت عريق للشعر حيث أنه ورث الشعر عن والده الشاعر المعروف بالمنطقة مرخان دابس المرخان وذكر الخليفة أن للشاعر قصائد متعددة في الكثير من النواحي الرثاء , الغزل , الوطن ,الهزل ,الوصف حتى أن الشاعر رثاء نفسه وذكر أنه له أشتهر بقصائده المتعددة في منطقة الجوف فدائما ما تجد لها وجود بين أبياته . بعدها ألقى المرخان عدد من القصائد المتنوعة في أنواع الشعر أستمتع بها الحضور تم أتاح المرخان الفرصة للحضور للطلب من قصائده وقصائد والده ولبى للجميع طلباتهم . وفي مداخلات الحضور جاءت مداخلة تستفسر عن عدم مشاركة المرخان في زيارة خادم الحرمين الشريفين للمنطقة في العام الحالي والتي كانت في ربيع ثاني أجاب المرخان أن المشاركة شرف للجميع ولكن لم يحالفه الحظ وكانت له قصيدة بهذه المناسبة ألقاها على الجمهور , كما ذكر المرخان انه قريبا سيصدر ديوانه الصوتي قائلاً أن الديوان الصوتي يحمل الكلمات وإحساس الشاعر أكثر من القصيدة المكتوبة كما أن له ديوان كتابي جمع فيه عدد من قصائد والده وقصائده ومازال طور التكميل , وفي مداخلة لأحد الحضور تسال هل يوقعك شعر الغزل بالإحراج من أبناءك وهل يتقبلونه منك أجاب المرخان أن الغزل ملح القصيد وعلق مدير الأمسية أن أعذب الشعر أكذبه مشيرا المرخان أن والده كتب عدد من قصائد الغزل وهو في عقده السابع وان ذلك لا يوقع بالحرج من أبنائه. وفي نهاية الأمسية قدم الأستاذ حسين الخليفة رئيس لجنة الفعاليات بالمهرجان هدية المهرجان للشاعر عبدالرحمن المرخان . |
|
|
|
|
04-16-2009, 12:41 PM
|
#18 | |
|
شخصية مميزة
|
السلام عليكم ورحمة الله وبركاته
احدى قصائدي بوالتي رحمها الله وهذه القصيده قلتها بالوالده عندما ذهبت للرياض للعلاج وكان بداية مرضها عادي ولكن ثاني يوم من سفرها بلغني اخوي راكان ان مرضها خطير واغلب الظن انه سرطان دم وكان اخوي يحاول يسهل الامر ويعمل لي مقدمات وكانت هذه الابيات راكان00 هي امي صحيح ٍ (ن ) خطيره واللـي يخلـي دابـس وشـوق قلـي إمن امس انا ودمـوع عينـي غزيـره والقلـب مـن بيـن الحنايـا يتـلـي ماني مصدق بالخبر 00 هـات غيـره تكفى قل أمزح 00يابعد كـل مـن لـي أخـوك مـا يرقـد ونـار بضمـيـره مشلـول مابيـديـه حيـلـه وحـلـي عيني تشوف النـاس ويـدي قصيـره لاواكبـر همـي 00ويـاحـر غـلـي معذور انـا لـو عفـت كـل العشيـره ياخوك انا من عقبها اليـوم مـن لـي أنـا زعيـم الحـزن وانــا أمـيـره واكبـر دليـل انـي وقعـت بمحـلـي يـا ويـل حالـي حسرتـي مستديـره يا وجد قلبـي 000 ياعذابـي وسلـي قمـت اتذكـر والسـوالـف كثـيـره وش عاد اباخذ ؟ وش كثر ؟ ويش اخلي كانت معـي وبوسـط قلبـي خشيـره ومنين انـا مـا رحـت تشبـه لظلـي واليـوم انـا فـي دار وامـي بديـره على سرير ابيض مـع اغـراب خلـي ليـت العـمـر ينـبـاع والا نعـيـره كان أعطي اغلى الناس روحـي وكلـي واقـول هـاك العيـن ومعهـا نظيـره وافرش لها مـن قطعـة الكبـد زلـي هـي الغـلا اللـي مـا يبـدل بغيـره عـن شوفهـا منهـو بشوفـه يسلـي لاغبـت عنهـا لـو دقايـق يـسـره أشوفـهـا بالـبـاب دايــم تهـلـي لو بالمشـوره جيـت مـن نستشيـره ولو هـي بـرد القـوم ماحيـد ملـي وبعنـا حثيـر المـال وبعنـا وثيـره وآمـد يـدي لـو بـالاحـوال قـلـي مار البلا دونه جهـود ٍ (ن ) عسيـره ودون الشفـا عـذر ٍ وعجـز ٍ مذلـي وبكل صدق والله ذيك الليله مانمت والفكر يودي ويجيب والحزن ملاأ كل المكان حولي وأخذ كل مأخذ وقلت قصيده ثانيه اسند على شقيقي نايف وراكان والله مالـوم الجـوف لـو تظـلـم أجــواه الجـوف حـزنـان ٍ (ن ) وياكـبـر هـمـه وعليـك عينـي هلـت الدمـع يمـا11111ه مـثـل اليتـيـم الـلـي دمـوعـه بكـمـه هنـي ابــو دابــس يحـوفـك بيمـنـاه وصـديـرك الحـانـي بـصـدره يـخـمـه يابـو يزيـد 00 الـجـوف والله كرهـنـاه والـنـوم مــا والله عـيـونـي يـهـمـه وبحلقي الماء علقم ٍ ( ن ) 00 مر 00 ما قواه والــزاد نفـسـي كـنـه الـيـوم سـمـه مشـتـاق اشــوف الغالـيـه لاعدمـنـاه شـوق اليتيـم اللـي فقـد شـوفـة امــه تبكـي عليهـا الـدار 00ويبكـي مـصـلاه وثويبـهـا الطـاهـر أحـبــه واشـمــه يازيـن ريحتهـا 00 ويـا طـيـب معـنـاه ريـح النفـل بـيـن الفـيـاض المطـمـه وفراقـهـا بالقـلـب يـاكـبـر مـدمــاه جرحـه بروحـي حفـرة (ن )ٍ وش يدمـه ! لـو الشـفـاء بـيـدي لميـتـي قطعـنـاه ولـو هـي بـدم القلـب 0قلـبـي بـدمـه عشـره مـن الحجـه مضـن لـي برجـواه ليـلـي نـهـاري كـنـي بـوسـط غـمـه باللـيـل اهــل الـدمـع كـلـه لطـريـاه والصـبـح دمــع العـيـن للـيـل ألـمـه ياطيـر كـانـك رايـحـن لــه وتنـصـاه وصـل سلامـي لـه 00وخـصـه وعـمـه وان كان مالـك طاقـة ٍ(ن ) تلمـس اشفـاه ابـيـك عـنـي لــو قدمـهـا تـضـمـه وشلون صـوت أمـي بهـا الـدار مالقـاه ؟ وهـذا الشهـر مـن دونهـا كيـف أتـمـه الواجـب الحقهـا 00واذا قيـل وش جـاه ؟ مانـي بحـال الـنـاس والسـمـع اصـمـه واقول هـذي أمـي 00وانـا تحـت ماطـاه وقطـع الـرحـم اكـبـر حــرام ومـذمـه أمـي هـي أمـي مـا نخلـق حـي يسـواه لا خـال 00لا خالـه 00 ولا تعـوض عمـه وسلامتكم والله اسأل يرحم جميع موتى المسلمين ويشفي مرضاهم آمين @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:44 PM
|
#19 | |
|
شخصية مميزة
|
مشاركته بمسابقة السامر
تنثر شتاتي بروس الرمش وآلمـــــــه = على مطاف العيون أحرمت بحرامي وسعيت بين الوروود اللي على فمـّـــــــــــــه = خلفي حياتي00 وشفت الموت قدامي يخمني من هدبها الشووق وآخمـــــــــــــه = شبيهة الريم وثغر الفاتنه شامي يا خال شعري 00 واخوه 0وجده وعمــــــــه = تعال وارسم وجســـّـــد قصة الهامي يا مير وهرجك ذهب 00 والهرج بمتــــمــّــه = يا قامة العز 00 ونعم المنسب السامي خل السهل للسهل واصعد على القـــــــمـــّـــه = واشرب من الغيم دام انك معي ظامي ما تشبع العين من شوفه ومن ضــمــّــه = ما ترتوي من جمال الجادل أنغامي كلما ابتعد ردني قلب العنا يــمـــّــــه = يسوقني داعي الهوجاس باقدامي وامشي على رغبته واهتم من هــــمـــّــــــــه = داويت جرحه 00 وجرحي بالحشا دامي يسري بدمي غرامــــــــه 00 لعنبـــو دمــــــه !! = واحلم بشوفه 00 وكنه سيـــــّـــد أحلامي @ الشاعر @ @ عبدالرحمن بن دابس المرخان@ |
|
|
|
|
04-16-2009, 12:45 PM
|
#20 | |
|
شخصية مميزة
|
وهنا قصيددة الشاعر عبدالرحمن المرخان
قصيدتي الاخيره 00والتي تشرفت بالقائها بين يدي سمو سيدي امير الجوف بمناسبة زيارته الكريمه للمحافظه, والقصيده في مجملها عباره عن مطالبه مني باسترجاع اسم الجوف واعادته إلى اهله وليكن معلوم لدى الجميع أن لي اصدقاء من أهالي سكاكا كثير وهم اقرب لي من مجرد اصدقاء بل اهم اخوه لي ولكن الحق يعلو ولا يعلا عليه والحق أحق أن يتبع وكنت قد اقترحت على اعضاء المجلس البلدي بتسمية المنطقه الاثريه باسم ( الجوف التاريخيه القديمه ) وذلك كحل وسط بحيث يشمل اسم الجوف التاريخيه ( قلعة مارد ومسجد عمر وحي الدرع والسعيدان والرحيبيين وخذما ء والسور وبساتين الجوف القديمه ) وهي الجوف القديمه ( نقرة الجوف ) حسب ما قال غالب السراح في قصيدته المشهوره وذلك لكي تحتفظ المدينه بجذورها الاصليه وتاريخها ولا يخفى على المؤرخين والمثقفين ان تغيير اسم الجوف ونزعه منها سوف يؤدي على المدى ألى تغيير وتزوير تاريخها القديم وارجو تفهم ذلك جيدا هذا وقصيدتي اعتبرها ملكا لكم جميعا واستخدامها لأي مطالبه واعتبرها تكريس للمطالبه بذلك ولا شك أن حكومة خادم الحرمين الشريفين الرشيده لن تقبل بأن يقع الظلم على أحد واتذكر في ذلك قول خادم الحرمين نصره الله والذي قال بما معناه انني اقسو على نفسي باللوم ومحاسبتها او كما قال 00 مع العلم انني اقترحت ضمن مقالي هذا حل آخر واعتبره حل وسط وافضل ورأيت ان احذفه الان وقد استعين به مستقبلا 00 هذا ولكم تحياتي وامتناني جميعا 00 القصيده ارجو التفضل بقرائتها 00  سـلام تسليمـة وفـا كلهـا طيـب من راس ابن دابـس بدربـك نثرهـا قصيدتـي فيكـم محبـه وترحـيـب توي بديـت ابهـا ولاحـدن نشرهـا مثل العروسه عطرها يغمـر الجيـب مهره ولا ارجي حاجتن مـن مهرهـا يامرحبا يالذيـب فـي ديـرة الذيـب شعشع لهـا نـورك وفتـح زهرهـا يقولها اللي لا حضـر يـوم مايغيـب متسلسله مثـل الـدرر فـي بحرهـا ابدي بها يا ميـر بعـض المطاليـب ماهـو تطفـل مـار هـذا قـدرهـا من عند مارد يصدر الفكـر ويجيـب والسـور وبابـه والسقيفـه بثرهـا دنيا الشقـى فيهـا لقيـت التعاجيـب تشابهت فيها السنه مع شهرها دار ٍ لنـا ضاعـت بحقـل التجاريـب ضاع اسمها مبطي وقصـو شعرهـا البنـت لا زانـت تجيهـا الخطاطيـب وان شانت العذراء تمـوت بقهرهـا نبي نرد اللي مضـى مـن ذواهيـب امـا بوسـط الـزور والا بظهرهـا هو انت تقبل لو نسميـك يـا ( شعيـب ) ؟ والجوف ما مخلـوق جايـب خبرهـا كانت لنا وراحت تسوحـب تساحيـب عصريـة ٍ لاعـاد منهـو غتـرهـا ماقلتهـا قصـدي اسـاءه وتخريـب انا سقيـت بدمـع عينـي شجرهـا الجوف هي الجوف مافي بهـا ريـب نقره وغالب بالمثايل ذكرها هذا اسمها يا شيوخنـا يـا معازيـب وياما ملـت سمـع البـلاد ونظرهـا وانشد هل التاريخ شـرق ٍ وتغريـب من ايام اكيدر يـوم اكيـدر عمرهـا ويشهد لها اللي يعلم السـر والغيـب ولو تسأل الاحجـار يشهـد حجرهـا تاكل معي وتشرب همـوم ولواهيـب كلما طفـت جمـر الغبينـه سعرهـا وماضاع حق ٍ لو غزا راسه الشيـب ومصر القديمه ما نتحت عن نهرهـا وشرواك شروى الطيب ما يلحقك عيب يا شمسها 0 يانورهـا00 ياقمرهـا تحضر لنا ما تقول ابرسـل مناديـب تسقي بيدك ما نشف مـن خضرهـا وتواسي المحروم وتنقـذ مصاويـب وتمشي بعتق ارقاب قـارب خطرهـا يجزاك رب البيـت عجـل التجاويـب وعن كل خطوه ساقتـك فـي ديرهـا @ الشاعر @ @ عبدالرحمن بن دابس المرخان@ |
|
|
|
|
| مواقع النشر (المفضلة) |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عبدالرزاق الهذيل & موسوعة لاهم الاشعار والقصائد | السيف | ۞ يا ما حلا و الشمس يبدي شعقها ۞ | 12 | 07-22-2011 02:57 AM |
| تساقط الشعر عند الرجال.. علاجات متعددة | العيون الساهرة | ۞ الصحة العامة ۞ | 6 | 10-05-2010 12:55 PM |
| ملف كامل عن اهم الزيوت والاعشاب لشعرك | نسمة أمل | ۞ الصحة العامة ۞ | 3 | 07-21-2009 08:48 PM |
| مجاراة شاعر الجوف وساحر الشعر الشاعر / عبد الرحمن المرخان لقصيدة الشيخ عايض القرني ! | مشاعر إنسان | ۞ يا ما حلا و الشمس يبدي شعقها ۞ | 1 | 06-24-2009 05:00 PM |
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض العادي
